ლევან ხაბეიშვილი თანაგუნდელებს - პოზიცია გვქონდეს გუნდური და არა ინდივიდუალური

პოზიცია გვქონდეს გუნდური და არა ინდივიდუალური, - ამის შესახებ „ნაციონალური მოძრაობის“ წევრი ლევან ხაბეიშვილი სოციალურ ქსელში წერს.

ის ეხმაურება მიხეილ სააკაშვილის მოწოდებას მანდატებთან დაკავშირებით და აცხადებს, რომ წარმოუდგენლად მიაჩნია მისი მოწოდების არგაზიარება, თუმცა ის თანამებრძოლებს მოუწოდებს, რომ ერთიანი პოზიცია ჰქონდეთ.

„ცხადია, წარმოუდგენლად მიმაჩნია პრეზიდენტ სააკაშვილის მოწოდება არ გავიზიარო, მითუმეტეს იმ პირობებში, როცა ის ტყვეობაშია, საკუთარ სიცოცხლეს, ჯანმრთელობას რისკავს და 32 დღეა შიმშილობს. ამასობაში, მინდა მოვეფერო ჩემს თანამებრძოლებს, თანაგუნდელებს პოზიცია გვქონდეს გუნდური და არა ინდივიდუალური. უმნიშვნელოვანესია უახლოეს საათებში ჩვენი მოქმედებები, გადაწყვეტილებები არა მარტო მანდატთან დაკავშირებით. მთავარი მანდატი არის მისი აღმატებულება ქართველი ხალხის სიყვარული. ჩვენი სამშობლოს გამარჯვება არის ძალიან ახლოს და ახლა უნდა ვკონცენტრირდეთ მთავარზე - თავისუფლება უკანონოდ დატყვევებულ მესამე პრეზიდენტს. ყველა ჩვენი შემდეგი ნაბიჯი, აქცია, ბრძოლა დაუკავშირდება, უსამართლობასთან არ შეგუებას, მიშას თავისუფლებას“, - წერს ხაბეიშვილი.

“ნაციონალური მოძრაობის“ წევრებმა ანა წითლიძემ, ნონა მამულაშვილმა, ლევან ვარშალომიძემ სადეპუტატო მანდატის შეწყვეტის თაობაზე განცხადება გააკეთეს.

მანამდე მიხეილ სააკაშვილმა განცხადება გააკეთა და ურჩია ყველა თანამებრძოლს, მიბაძონ მამუკა ხაზარაძეს და დატოვონ პარლამენტი.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია