გუდაურში მოკლული თამაზ გორთამაშვილის ოჯახმა პროკურატურას საქმის მოსამართლის, გოგა კუპრეიშვილის აცილების მოთხოვნით მიმართა

2020 წლის 16 თებერვალს, გუდაურში მოკლული თამაზ გორთამაშვილის ოჯახმა პროკურატურას საქმის მოსამართლის, გოგა კუპრეიშვილის აცილების მოთხოვნით მიმართა.

როგორც გარდაცვლილის რძალი, ნინო გულიაშვილი „ინტერპრესნიუსთან“ საუბრისას აღნიშნავს, გუშინ გამართულ სასამართლო სხდომაზე, სადაც ბრალდებისა და დაცვის მხარემ ნაფიც მსაჯულებს საქმის არსი გააცნო, მოსამართლე ბრალდების მხარის მიმართ არაეთიკურად იქცეოდა და ირონიული იყო.

მისივე მტკიცებით, მოსამართლე ბრალდებულის მიმართ „პატივისცემით იყო განმსჭვალული“.

“გუშინდელი სხდომის საფუძველზე, დღეს მივმართე პროკურატურას და საჩივარი დავწერე მოსამართლე გოგა კუპრეიშვილის წინააღმდეგ. გუშინ, სასამართლო სხდომაზე დამრჩა შთაბეჭდილება, რომ ადგილი აქვს მიკერძოებას. მთელი სხდომის განმავლობაში, მოსამართლის მხრიდან ირონიის გამოვლენას ჰქონდა ადგილი. ბრალდებას, რაც იქ მყოფი ოჯახის წევრებისთვის უდიდესი ტრაგედიაა, ღიმილით არ უნდა კითხულობდე. მოსამართლე მთელი სხდომის განმავლობაში ირონიული იყო. გამიკვირდა, რომ ამ ყველაფერს არ მალავდა, პირდაპირ აწვდიდა ნაფიც მსაჯულებს ისეთ მესიჯებს, რომ პატივისცემით იყო განმსჭვალული ბრალდებულის მიმართ. ძალიან ბევრ შენიშვნას აძლევდა ბრალდების მხარეს.

დღეს ერთი განცხადება შევიტანე დამოუკიდებელი ექსპერტის სახელზე, მეორე განცხადებას გორის რაიონულ სასამართლოში შევიტან, რომ განიხილონ საქმე და გამოძიება დაიწყოს, თუ რა ინტერესები აქვს, არის თუ არა ეს მიკერძოება?“- აღნიშნავს ნინო გულიაშვილი.

ის ასევე აღნიშნავს, რომ გუშინ, სასამართლო სხდომის მიმდინარეობისას მოსამართლემ გარდაცვლილის დედას უხეშად მიმართა.

„გუშინ დაიკითხა მიცვალებულის დედა. აქაც ძალიან დიდი უპატივცემულობა გამოიჩინა მოსამართლემ. როდესაც მიცვალებულის დედა სხდომათა დარბაზში შემოვიდა დასაკითხად, აღელვებული იყო, არ შემოუტანია სათვალე. როდესაც მიმართა მოსამართლემ, რომ ფიცი წაეკითხა, ძალიან მორიდებით და მოწიწებით უთხრა, რომ სათვალის გარეშე ვერ წაიკითხავდა, რაზეც ძალიან უხეშად უპასუხა მოსამართლემ, რომ რამენაირად მოეხერხებინა და წაეკითხა, ძალიან უხეშად მიმართა, თვითონ წაუკითხა და ჰკითხა, იყო თუ არა თანახმა“,- აღნიშნავს გულიაშვილი.

შეგახსენებთ, რომ 2020 წლის 16 თებერვალს, გუდაურში ახალგაზრდა მამაკაცი მოკლეს, ერთი კი დაჭრეს. აღნიშნულთან დაკავშირებით, სამართალდამცავებმა მერაბ კობიაშვილი დააკავეს. კობიაშვილს ბრალი მკვლელობის, მკვლელობის მცდელობისა და ძალადობისთვის აქვს წარდგენილი.

ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო. მერაბ კობიაშვილი გორის რაიონული სასამართლოს გადაწყვეტილებით აღკვეთის ღონისძიების გარეშეა დატოვებული.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს