ბრალდებულს და მსჯავრდებულს სახელმწიფო ინსპექტორის სამსახურის, სახალხო დამცველის და გენინსპექციის ცხელ ხაზზე დაკავშირება ნებისმიერ დროს შეეძლება

ბრალდებულს და მსჯავრდებულს სახელმწიფო ინსპექტორის სამსახურის, სახალხო დამცველის და გენერალური ინსპექციის ცხელ ხაზზე დაკავშირება ნებისმიერ დროს შეეძლება.

“პატიმრობის კოდექსში“ დაგეგმილი ცვლილებები პარლამენტმა მესამე მოსმენით, 81 ხმით დაამტკიცა. პროექტი პარლამენტის წევრების მიხეილ სარჯველაძის, ანრი ოხანაშვილის, ალუდა ღუდუშაურის და სოზარ სუბარის საკანონმდებლო ინიციატივაა.

კოდექსში განხორციელებული ცვლილებებით, ბრალდებულსა და მსჯავრდებულს სახელმწიფო ინსპექტორის სამსახურის, სახალხო დამცველის და იუსტიციის სამინისტროს გენერალური ინსპექციის ცხელ ხაზზე დაკავშირება ნებისმიერ დროს შეეძლება, მათ შორის სამარტოო საკანში ყოფნისას, გამომძიებლის ან პროკურორის მიერ სატელეფონო საუბრის უფლების შეზღუდვისას და სახდელის სახით სატელეფონო საუბრის უფლების შეზღუდვისას.

ამასთან, საკანონმდებლო დონეზე განისაზღვრება, რომ სახელმწიფო ინსპექტორის სამსახურის, სახალხო დამცველისა და იუსტიციის სამინისტროს გენერალური ინსპექციის ცხელ ხაზზე დასაკავშირებლად ბრალდებულის/მსჯავრდებულის სატელეფონო საუბარი დაწესებულების ხარჯით ხორციელდება. საკანონმდებლო დონეზე განმტკიცდება ის წესიც, რომ “პატიმრობის კოდექსით“ დადგენილი სატელეფონო საუბრის ლიმიტები არ გავრცელდება სახელმწიფო ინსპექტორის, სახალხო დამცველისა და იუსტიციის სამინისტროს გენერალური ინსპექციის ცხელი ხაზის სატელეფონო ნომერზე დაკავშირების შემთხვევაში.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს