აშშ-ის სახელმწიფო მდივნის თანაშემწის მოადგილე ევროპისა და ევრაზიის საკითხებში ერიკა ოლსონი საქართველოს, სომხეთსა და აზერბაიჯანს ეწვევა, - ინფორმაციას სომხეთში აშშ-ის საელჩო ავრცელებს.

მათივე ინფორმაციით, ვიზიტის მიზანი რეგიონული თანამშრომლობის განვითარება და ორმხრივი საკითხების განხილვაა.

ერევანში ყოფნისას ერიკა ოლსონი სამხრეთ კავკასიის რეგიონში აშშ-ის მისიების ხელმძღვანელთა კონფერენციაში მიიღებს მონაწილეობას, რომელიც 2-4 ნოემბერს იმართება.

კონფერენციას დაესწრებიან აშშ-ის ელჩი საქართველოში კელი დეგნანი, აშშ-ის ელჩი სომხეთში ლინ ტრეისი და აშშ-ის ელჩი აზერბაიჯანში ლი ლიცენბერგერი.