მიხეილ სააკაშვილი - ღმერთი ისე ნამდვილად არ მომკლავს, რომ გამარჯვებული ბათუმის ბულვარში თავაწეულმა არ გავიარო

ახლა მთავარია თავისუფლების კვარტლად მთელი საქართველო ვაქციოთ და სადაც თავისუფლებისთვის ვიბრძვით ყველგან ისინი უნდა გავხსნათ. აქაც, ციხესთან თავისუფლების კვარტალმა უნდა გამიხსნას დილეგის კარი. ღმერთი ისე ნამდვილად არ მომკლავს, რომ ერთხელ გამარჯვებული ბათუმის ბულვარში თავაწეულმა არ გავიარო, - ამის შესახებ საქართველოს მესამე პრეზიდენტი მიხეილ სააკაშვილი გზავნილში წერს, რომელიც ბათუმში საპროტესტო აქციაზე გააცნეს საზოგადოებას.

მიხეილ სააკაშვილის განცხადებით, ბიძინა ივანიშვილი არჩევნებზე დიდი უპირატესობით დამარცხდა, რაც მთელმა საქართველომ იცის, მაგრამ მთავარია ეს ბრძოლა გამარჯვებამდე მიიყვანონ.

,,მოგესალმებით გამარჯვებულ ბათუმს, მოგესალმებით კოალიციურ ერთობას. ახლა საქართველოს გადარჩენისთვის ბრძოლაში უკან დასახევი ყველა გზა ჩახერგილია და სამშობლოს გადარჩენას ალტერნატივა არ აქვს, ამიტომ ყველა უნდა გაერთიანდეს. ისინიც კი, ვინც მიმდინარე პროცესებს თვალს გვერდიდან ადევნებდნენ. თქვენ ივანიშვილი დიდი უპირატესობით უკვე დაამარცხეთ, რაც მთელმა საქართველომ და საერთაშორისო დამკვირვებელმა იცის, ახლა ეს ბრძოლა გამარჯვებამდე უნდა მივიყვანოთ. თავისუფლების კვარტალი თქვენი მოგონილია, ესაა თქვენი თვითმყოფადი, დამოუკიდებელი განწყობის ქალაქი. ახლა მთავარია თავისუფლების კვარტლად მთელი საქართველო ვაქციოთ და სადაც თავისუფლებისთვის ვიბრძვით ისინი უნდა გავხსნათ. აქაც, ციხესთან თავისუფლების კვარტალმა უნდა გამიხსნას დილეგის კარი, ღმერთი ისე ნამდვილად არ მომკლავს, რომ ერთხელ გამარჯვებული ბათუმის ბულვარში თავაწეულმა არ გავიარო. დროშა რომელიც ბათუმში მაღლა ფრიალებს, არასოდეს უნდა დაეშვას“, - აცხადებს მიხეილ სააკაშვილი.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს