თენგიზ ცერცვაძე - მოლოდინია, რომ ახალი შემთხვევები კიდევ გაიზრდება - კლინიკური სექტორი უკვე გადატვირთულია

მოლოდინია, რომ ახალი შემთხვევები კიდევ უფრო გაიზრდება - აქტიური შემთხვევების რაოდენობაც დაახლოებით 50 ათასი ავადმყოფის ფარგლებშია, რაც ძალიან მაღალი ციფრია საქართველოს ზომის ქვეყნისთვის - ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ ჟურნალისტებს განუცხადა.

რაც შეეხება გარდაცვალების მაჩვენებელს, როგორც ცერცვაძემ აღნიშნა, დღეში 40-50 ადამიანი იღუპება, რაც ძალიან ცუდია, თუმცა, მისივე შეფასებით, სხვა ქვეყნებთან შედარებით, საქართველოში სიკვდილიანობა დაბალია.

„ეპიდსიტუაცია სამწუხაროდ რჩება მძიმე, სერიოზული. გასულ ორ კვირაში იყო ერთგვარი სტაბილიზაცია - 4000 ახალი შემთხვევის ფარგლებში, დღეს უკვე 5000-ზე მეტი ახალი შემთხვევა იყო. მოლოდინია, რომ ახალი შემთხვევები კიდევ უფრო გაიზრდება. აქტიური შემთხვევების რაოდენობაც დაახლოებით 50 ათასი ავადმყოფის ფარგლებშია, რაც ძალიან მაღალია საქართველოს ზომის ქვეყნისთვის. კლინიკური სექტორი გადატვირთულია უკვე. 6500 ჰოსპიტალიზებული ავადმყოფია, მაგრამ გვახსოვს, „მეოთხე ტალღის“ პიკზეც ასე იყო და ჯერჯერობით ახლაც ასეა. კლინიკური სექტორი ამჟღავნებს ძალიან სერიოზულ მდგრადობას, რაც გამოიხატება იმაში, რომ ასეთი გადატვირთვის მიუხედავად, არცერთი ავადმყოფი ჯერჯერობით არ დარჩენილია ექიმის და სრულფასოვანი მომსახურების გარეშე.

რაც შეეხება გარდაცვალების რიცხვს, რაც არის 40-დან 50-მდე - ეს ძალიან მაღალი რიცხვია ჩვენი ზომის პატარა ქვეყნისთვის და თითოეული გარდაცვლილი ადამიანი დიდი ტკივილი და დიდი დანაკარგია ოჯახისთვის და ქვეყნისთვის, მაგრამ თუ მივუდგებით გლობალურად, შევადარებთ სხვა ქვეყნებს, კლინიკური სექტორის ძირითადი მაჩვენებელი არის ერთადერთი - ყველა კოვიდავადმყოფიდან გარდაცვალების მაჩვენებელი საქართველოში არის ძალიან დაბალი, უფრო დაბალი, ვიდრე აშშ-ში და უფრო დაბალი, ვიდრე ევროპის 32 ქვეყანაში“, - განაცხადა ცერცვაძემ.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა