ლევან ხაბეიშვილი - მდინარაძემ თქვა, სააკაშვილი 41-ე დღეს თუ არ გარდაიცვლება, სასაცილო მდგომარეობაში აღმოჩნდებაო, როგორ არ მინდა, გარბოდეთ და ქართველი ხალხი მოგდევდეთ

დღეს მდინარაძემ თქვა, სააკაშვილი 41-ე დღეს თუ არ გარდაიცვლება, სასაცილო მდგომარეობაში აღმოჩნდებაო, როგორ არ მინდა, რომ გარბოდეთ და ქართველი ხალხი მოგდევდეთ, - ამის შესახებ „ნაციონალური მოძრაობის“ ერთ-ერთმა ლიდერმა, ლევან ხაბეიშვილმა რუსთავის ციხესთან მიმდინარე აქციაზე განაცხადა.

ხაბეიშვილის განცხადებით, მმართველი გუნდის წევრებს მესამე პრეზიდენტი მიხეილ სააკაშვილი ტყვედ ჰყავთ აყვანილი და თუ ასე გააგრძელებენ, ქართველი ხალხი მძევლად ბიძინა ივანიშვილს აიყვანს.

,,ვპირდები ღარიბაშვილს და ივანიშვილს, რომ აქ შევიკრიბებით და ათიათასობით ადამიანი მოითხოვს მესამე პრეზიდენტის გათავისუფლებას. მინდა მივმართო და გავაფრთხილო ღარიბაშვილსაც და ბიძინა ივანიშვილსაც - თქვენ ტყვედ გყავთ აყვანილი მიხეილ სააკაშვილი, თუ ასე გააგრძელებთ ქართველი ხალხი აიყვანს მძევლად ბიძინა ივანიშვილს. ეს ბრძოლა იქნება უკომპრომისო, დღეის შემდეგ მშვიდად ვერ გადაადგილდებით ვერც ღარიბაშვილი, ვერც კობახიძე, ვერც ზურაბიშვილი და ოლიგარქი ივანიშვილი. ხვალ უნდა ვიყოთ უფრო მეტნი, ზეგ კიდევ უფრო მეტნი და საბოლოო ჯამში, აქ მოიყრის თავს სრულიად საქართველო. მოვითხოვთ მესამე პრეზიდენტის გათავისუფლებას, სააკაშვილის ლანდისაც ეშინია ხელისუფლებას, რომ არ დაინახოს ვერავინ არ უტარებენ სასამართლოს და ხმას არ აგონებენ არავის.

დღეს მდინარაძემ თქვა სააკაშვილი 41-ე დღეს თუ არ გარდაიცვლება სასაცილო მდგომარეობაში აღმოჩნდებაო, როგორ არ მინდა, რომ გარბოდეთ და ქართველი ხალხი მოგდევდეთ, ეს ბრძოლა დამთავრდება ქართველი ხალხის გამარჯვებით. მიშა, გამხნევდი მეგობარო, მთავარსარდალო, შენ არ ხარ მარტო და შენს გვერდით არის ყველა პატრიოტი“, - აღნიშნა ლევან ხაბეიშვილმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს