„ნაციონალური მოძრაობის“ ორგანიზებით, დღეს ზუგდიდში აქცია გაიმართება. აქციის მონაწილეები პარტიის ოფისთან 20:00 საათზე შეიკრიბებიან.

დღესვე, 18:00 საათზე აქცია გაიმართება რუსთავის #12 პენიტენციურ დაწესებულებასთან, სადაც საქართველოს მესამე პრეზიდენტი მიხეილ სააკაშვილია მოთავსებული.

მორიგი აქცია კი ხვალ ქუთაისში, სავარაუდოდ, 18:00 საათზე გაიმართება.

შეგახსენებთ, რომ როგორც „ნაციონალური მოძრაობის“ ლიდერმა ნიკა მელიამ განაცხადა, აქციები გაგრძელდება მანამდე, სანამ კონკრეტულ შედეგს არ მიაღწევენ და მიხეილ სააკაშვილი არ გათავისუფლდება.