თბილისში, მასაჟის ცენტრში, ტაილანდის მოქალაქის მკვლელობის საქმეზე დაკავებული კალათბურთელის ვაჩე ცაკაშვილისთვის ბრალის წარდგენა მიმდინარეობს.
როგორც „ინტერპრესნიუსს“ ვაჩე ცაკაშვილის ადვოკატმა გოგა ბოგვერაძემ განუცხადა, დაკავებული ბრალს არ აღიარებს და დუმილის უფლებას იყენებს.
„ამ ეტაპზე კამერების ჩანაწერები ჯერ ამოღებული არ არის. ეს მტკიცებულებები იმის დასამტკიცებლად, რომ მან განზრახ მკვლელობა ჩაიდინა, მითუმეტეს, გენდერული ნიშნით, საკმარისი არ არის. მომავალში რას მოიპოვებენ, არ ვიცი“, - განაცხადა გოგა ბეოგვერაძემ
თბილისში, ახვლედიანის ქუჩაზე მდებარე მასაჟის ცენტრში რამდენიმე დღის წინ 38 წლის ტრანსგენდერი ქალი მოკლეს. მასაჟის ცენტრის თანამშრომლის, მადონა გაჩეჩილაძის განცხადებით, მოკლული ტაილანდის მოქალაქეა და საქართველოში ორი კვირის წინ ჩამოვიდა.
შსს-მ მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკლელობას გულისხმობს.