ისევ ვტრიალებთ სასამართლო კლანში, ისევ ვტრიალებთ უსამართლობაში - სასამართლო რეფორმა გარიჟრაჟზეც არ ჩანს, - აღნიშნული შეფასება ჟურნალისტებთან პარტია „სტრატეგია აღმაშენებლის“ წარმომადგენელმა სერგო ჩიხლაძემ გააკეთა.

მისივე განცხადებით, იუსტიციის უმაღლესი საბჭოს მოსამართლე წევრებად პაატა სილაგაძის და გიორგი გოგინაშვილის არჩევა არის კიდევ ერთი ჩავარდნა და უკან გადადგმული ნაბიჯი.

"ამას ასე აფასებენ ჩვენი დასავლელი პარტნიორები და ასე აფასებს ოპოზიციური სპექტრი. ყველაფერი ეს მოხდა ღამით, მიპარვით მაშინ, როცა ყველა არჩევნების მეორე ტურზე ვიყავით გადართული. ფორმალურად ვაკანსიებიც კი არ გამოაცხადეს - პირდაპირ ღამით შეიკრიბნენ და გადაწყვიტეს, რომ კლანი კიდევ უფრო მეტად გაძლიერებულიყო. ჩვენ ამ და სხვა ნაბიჯებით დასავლეთს ვშორდებით“, - განაცხადა სერგო ჩიხლაძემ.