მუნიციპალური განვითარების ფონდის დირექტორის პირველ მოადგილედ გიორგი ციბაძე დაინიშნა

საქართველოს მუნიციპალური განვითარების ფონდის აღმასრულებელი დირექტორის პირველ მოადგილედ გიორგი ციბაძე დაინიშნა.

რეგიონული განვითარებისა და ინფრასტრუქტურის სამინისტროს ინფორმაციით, გიორგი ციბაძე საავტომობილო გზების დეპარტამენტის თავმჯდომარის მოადგილის თანამდებობას 2019 წლის მარტიდან მიმდინარე წლის ნოემბრამდე იკავებდა.

„შესაბამისად, აქვს სამინისტროსა და მისი საქვეუწყებო დაწესებულებების საქმიანობის ცოდნა და სხვადასხვა მასშტაბის ინფრასტრუქტურული პროექტების მართვის გამოცდილება.

გიორგი ციბაძეს სხვადასხვა დროს ეკავა საპასუხისმგებლო თანამდებობები საჯარო სექტორში. კერძოდ, 2018 -2019 წლებში საქართველოს იუსტიციის სამინისტროს სპეციალურ პენიტენციურ სამსახურში მუშაობდა ეკონომიკური დეპარტამენტის უფროსის მოადგილის პოზიციაზე, ხოლო 2012-2018 წლებში - საქართველოს სასჯელაღსრულებისა და პრობაციის სამინისტროში სხვადასხვა მენეჯერულ პოზიციებზე.

საჯარო სექტორში მუშაობის დაწყებამდე, გიორგი ციბაძეს კერძო სექტორში მუშაობის მრავალწლიანი გამოცდილებაც აქვს. იგი 2003 წლიდან იკავებდა ხელმძღვანელობით თანამდებობებს როგორც ქართულ, ისე საერთაშორისო ორგანიზაციებში.

გიორგი ციბაძემ 2002 წელს დაამთავრა საქართველოს ტექნიკური უნივერსიტეტი საფინანსო გამოყენებითი მათემატიკის სპეციალობით, ხოლო 2004 წელს - საქართველოს ტექნიკური უნივერსიტეტი საფინანსო გამოყენებითი მათემატიკის სპეციალობით“, - ნათქვამია სამინისტროს მიერ გავრცელებულ ინფორმაციაში.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“