ელენე ხოშტარია - გადავწყვიტე პარლამენტში დავიწყო შიმშილობა იმ მომენტამდე, სანამ მიხეილ სააკაშვილს სამოქალაქო კლინიკაში არ გადაიყვანენ

გადავწყვიტე, რომ პარლამენტში დავიწყო შიმშილობა იმ მომენტამდე, სანამ მიხეილ სააკაშვილს არ გადაიყვანენ სამოქალაქო კლინიკაში და სანამ მისი ჯანმრთელობის გარშემო გარანტირებულად არ მოიხსნება კითხვები, - ამის შესახებ „დროას“ ლიდერმა საგანგებო ბრიფინგზე განაცხადა.

მისი თქმით, ყოფილი პრეზიდენტის წინააღმდეგ ადგილი აქვს ცინიკურ და სადისტურ შურისძიებას.

„მე არ წარმოვადგენ მიხეილ სააკაშვილის პარტიას, მეტიც, არ ვარ მისი ამომრჩეველი. არაერთხელ გამომითქვამს პრეტენზია და დღესაც მაქვს პრეტენზიები მის მიმართ, მაგრამ რაც დღეს ხდება, მისი პატიმრობის და ჯანმრთელობის მდგომარეობის გარშემო, ეს არის სადისტური და ცინიკური შურისძიება საქართველოს მოქალაქის და მესამე პრეზიდენტის მიმართ. ეს საკითხი არის სახელმწიფო ინტერესების, სახელმწიფოებრივი მშვიდობის საკითხი. შესაბამისად, მიხეილ სააკაშვილის ჯანმრთელობის კითხვის ნიშნის ქვეშ ყოფნა ერთი პროცენტითაც კი არის დაუშვებელი. ამიტომ, გადავწყვიტე, რომ პარლამენტში, შენობაში და ინსტიტუტში, რომელიც არ არსებობს და არ შემოვსულვარ, არ ვაღიარებ, დავიწყო შიმშილობა იმ მომენტამდე, სანამ მას არ გადაიყვანენ სამოქალაქო კლინიკაში და სანამ მისი ჯანმრთელობის გარშემო გარანტირებულად არ მოიხსნება კითხვები“, - განაცხადა ხოშტარიამ.

ხოშტარიას თქმით, შიმშილობა დაიწყო უკვე დილიდან და ერთადერთი, რასაც მიიღებს წყალია.

„ამ შიმშილობის განმავლობაში, რომელიც დღეს დაწყებული მაქვს, დილიდან საკვები აღარ მიმიღია, ერთადერთი, რასაც მივიღებ, ეს არის წყალი , რომ არანაირი კითხვები არ იყოს. არ დავტოვებ ამ შენობას, ვიქნები მუდმივად აქ. არ ვიცი და არც მაინტერესებს, როგორ მოიქცევა „ქართული ოცნება“, მე აქ ვიქნები. უკიდურესად მშვიდობიანი არის ჩემი პროტესტის ფორმა, ამიტომ, ჩარევის არანაირი მიზეზი არ არსებობს“, - აღნიშნა ხოშტარიამ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა