მინდა რეპრესიულ ,,ოცნებას” შევახსენო, რომ ელენე ხოშტარია არის პარლამენტის დეპუტატი და პროტესტის სრულიად კანონიერ ფორმას იყენებს. არავითარი ქვეტექსტი, რომ აქედან ძალმომრეობით იყოს გაყვანილი არ არსებობს, - ამის შესახებ ,,ლელო საქართველოსთვის” წევრმა გრიგოლ გეგელიამ პარლამენტის შენობაში, ჟურნალისტებთან საუბრისას განაცხადა.
გეგელიას თქმით, ,,ქართული ოცნება” ცდილობს ბოლომდე მოკლას მოქალაქეობის განცდა და ამ ანტისახელმწიფოებრივ ფენომენს ყველა, შესაძლო ფორმით უნდა შეებრძოლონ.
,,მინდა ელენე ხოშტარიას შევუქო ძალისხმევა ის კიდევ ერთხელ ამხელს ამ სიყალბეს, რომელიც ამ შენობაში და ქართულ სახელმწიფოში ტრიალებს. ,,ქართული ოცნება” ცდილობს ბოლომდე მოკლას მოქალაქეობის განცდა და იმედი, ჩვენ ყველა შესაძლო ფორმით უნდა ვებრძოლოთ ამ ანტისახელმწიფოებრივ ფენომენს. მინდა რეპრესიულ ,,ოცნებას” შევახსენო, რომ ელენე ხოშტარია არის პარლამენტის დეპუტატი და პროტესტის სრულიად კანონიერ ფორმას იყენებს. არავითარი ქვეტექსტი, რომ აქედან ძალმომრეობით იყოს გაყვანილი არ არსებობს, ეს არ იქნება დაშვებული ჩვენ მიერ”, - აღნიშნა გრიგოლ გეგელიამ.