გარემოსდაცვითი ზედამხედველობის დეპარტამენტის თანამშრომლებმა კახეთში ხე-ტყის უკანონო მოპოვების 20 ფაქტი გამოავლინეს, - ამის შესახებ ინფორმაციას გარემოსდაცვითი ზედამხედველობის დეპარტამენტი ავრცელებს.

მათივე ინფორმაციით, სამართალდარღვევის 20 ფაქტი გამოვლენილია ახმეტის, ლაგოდეხის, ყვარლის, გურჯაანის, სიღნაღისა და დედოფლისწყაროს მუნიციპალიტეტებში.

„გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლების მიერ სამართალდარღვევის 20 ფაქტი გამოვლენილია ახმეტის, ლაგოდეხის, ყვარლის, გურჯაანის, სიღნაღისა და დედოფლისწყაროს მუნიციპალიტეტებში.

მოქალაქეებმა სოფლების: ხევისჭალა, საბერო, ახალსოფელი, ჭიაური, ჭერემი, ზემო კაჭრეთი, ნინოწმინდა - მიმდებარე ტყეებში და შპს „ფაუნას“ ტერიტორიაზე უკანონოდ მოიპოვეს, დაახლოებით, 13 კუბური მეტრი სხვადასხვა სახეობის ხე-მცენარე.

კახეთის რეგიონული სამმართველოს თანამშრომლებმა სამართალდამრღვებების მიმართ ადმინისტრაციული სამართალდარღვევის შესახებ შესაბამისი ოქმები შეადგინეს“, - ნათქვამია გავრცელებულ ინფრომაციაში.