ბექა ბასილაია - ქართველი ხალხი არის ამ ქვეყანაში ძალაუფლების წყარო, შესაბამისად, ხალხი გადაწყვეტს მიხეილ სააკაშვილის, პოლიტიკური მძევლის გათავისუფლების საკითხს

ნებისმიერი ინსინუაცია მმართველი გუნდის მხრიდან არის ბინძური, ამორალური მანიპულაცია მოშიმშილე ადამიანის მდგომარეობით, - ამის შესახებ მიხეილ სააკაშვილის ადვოკატმა, ბექა ბასილაიამ რუსთავის ციხეში ყოფილი პრეზიდენტის მონახულების შემდეგ განაცხადა.

როგორც მან აღნიშნა, მიხეილ სააკაშვილი შიმშილობს და მას წონის 10%-ზე მეტი აქვს დაკარგული.

„ერთი მხრივ, ვითომ პერსონალურ მონაცემებს უფრთხილდებიან, ხოლო მეორე მხრივ, თურმე კულტურის მინისტრი, მდინარაძე და სხვები ფლობენ დეტალურ ინფორმაციას მიხეილ სააკაშვილის ჯანმრთელობის მდგომარეობასთან დაკავშირებით, მაშინ როცა ჩვენ აქ კვირების განმავლობაში ვითხოვთ, რომ გადმოგვეცეს მისი ჯანმრთელობის ისტორია.

ხაზი უნდა გაესვას ერთ საკითხს - ქართველი ხალხი არის ამ ქვეყანაში ძალაუფლების წყარო, შესაბამისად, ქართველი ხალხი გადაწყვეტს მიხეილ სააკაშვილის, პოლიტიკური მძევლის გათავისუფლების საკითხს. სალომე ზურაბიშვილი არის მარიონეტი პრეზიდენტი, მიხეილ სააკაშვილი არის პუტინის პირადი პატიმარი და ზურაბიშვილი ასრულებს არამხოლოდ ივანიშვილის, არამედ პუტინის დავალებებს. ძალიან კარგად ვიცით, რომ სალომე ზურაბიშვილი არის რუსეთის რეზიდენტი, რომელიც საქართველოს პრეზიდენტად დასვეს", - განაცხადა ბექა ბასილაიამ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია