იაგო ხვიჩია - პრეზიდენტი პრეზიდენტობით ერთობა - სალომე ზურაბიშვილი ამ თანამდებობაზე ისვენებს

პრეზიდენტი პრეზიდენტობით ერთობა - სალომე ზურაბიშვილი ამ თანამდებობაზე ისვენებს, - ასე ეხმაურება დეპუტატი იაგო ხვიჩია ზურაბიშვილის განცხადებებს.

ხვიჩიას შეფასებით, ზურაბიშვილმა ბრიფინგი ორ ურთიერთსაწინააღმდეგო საკითხთან დაკავშირებით გამართა.

"სალომე ზურაბიშვილის განცხადება პოლიტიკური კრიზისის დასრულებასთან დაკავშირებით ორი კომპონენტისგან შედგებოდა. პირველი იყო - შევრიგდეთ ხალხო, ტემპერატურა დავწიოთ, არ გვინდა პოლარიზაცია! მეორე - მიხეილ სააკაშვილმა არც იოცნებოს, რომ მე მას გამოვუშვებ. ეს ორი ერთმანეთს ეწინააღმდეგება. როცა ორ ისეთ რამეს ამბობ, რაც ერთმანეთს ეწინააღმდგება, მიჩნდება განცდა, რომ ბრიფინგი იმის გამო ჩაატარა, რომ ბრიფინგები მოენატრა. მიხეილ სააკაშვილს შეიწყალებს თუ არა ეს სალომე ზურაბიშვილის დისკრეციაა. ჩემი საქმე არ არის, მას შეწყალებისკენ ან არშეწყალებისკენ მოვუწოდო. საბოლოოდ ის მოხდება, რაზეც "ნაციონალური მოძრაობა" და "ქართული ოცნება" ერთმანეთში მოილაპარაკებს", - განაცხადა იაგო ხვიჩიამ.

მან აქვე დასძინა, „თუკი სალომე ზურაბიშვილს უნდა მის მიერ გაკეთებული განცხადება ვინმემ სერიოზულად ჩათვალოს, ერთი რამ მაინც უნდა გააკეთოს ისეთი, რომელიც ადამიანებს დაამახსოვრდებათ როგორც პრეზიდენტის მიერ გაკეთებული კარგი საქმე".

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს