იუსტიციის სამინისტროსთან საპროტესტო აქცია მიმდინარეობს. აქციის მონაწილეები ადგილზე იმყოფებიან პლაკატებით წარწერით: „სიჩუმე არის მკვლელობა“, „დროულად მიაქციეთ ყურადღება მიხეილ სააკაშვილის ჯანმრთელობას“.
აქციაზე იმყოფება „სირცხვილიას“ წევრი ნოდარ რუხაძე. როგორც ის აღნიშნავს, იუსტიციის მინისტრმა, რატი ბრეგაძემ უფლება უნდა მისცეს საქართველოს მესამე პრეზიდენტს მიხეილ სააკაშვილს მკურნალობის პროცესი სამოქალაქო კლინიკაში გააგრძელოს.
„35-ე დღეა, რაც მიხეილ სააკაშვილი შიმშილობს. მას არ აძლევენ უფელბას რომ მიიღონ სრულფასოვანი სამედიცინო გამოკვლევები. ეს ჩვენი შეფასებით მკვლელობაა“,- აღნიშნავს ნოდარ რუხაძე.