„ემპათიის” დირექტორის შეფასებით, მიხეილ სააკაშვილთან სამედიცინო შემოწმების მიზნით, ექსპერტთა ჯგუფის დაშვებას ითხოვდნენ, თუმცა, პენიტენციური სამსახურიდან არაადეკვატური პასუხი მიიღეს

არასამთავრობო ორგანიზაცია „ემპათიის” დირექტორის მარიამ ჯიშკარიანის შეფასებით, საქართველოს მესამე პრეზიდენტ, მიხეილ სააკაშვილთან სამედიცინო შემოწმების მიზნით, ექსპერტთა ჯგუფის დაშვებას ითხოვდნენ, თუმცა, სპეციალური პენიტენციური სამსახურის მხრიდან არაადეკვატური პასუხი მიიღეს.

როგორც მან დღევანდელ პრესკონფერენციაზე განმარტა, სპეციალური პენიტენციური სამსახური ეჭვქვეშ აყენებს ექსპერტთა კვალიფიკაციას, რაც ექსპერტიზის ჩატარებაში ხელის შეშლის მცდელობაა.

„გუშინ, საღამოს საათებში, არასამუშაო დროს მივიღეთ ელექტრონული ფოსტით სპეციალური პენიტენციური სამსახურის სამედიცინო სამსახურის უფროსის პასუხი ცენტრი „ემპათიას“ მიმართვაზე, რომლითაც ვითხოვდით ექსპერტთა ჯგუფის დაშვებას მიხეილ სააკაშვილთან სამედიცინო შემოწმების მიზნით. უნდა ჩატარებულიყო ექსპერტიზა სტამბოლის პროტოკოლის, საერთაშორისო სტანდარტების შესაბამისად. ჩვენ აღნიშნული დეპარტამენტიდან არაადეკვატური პასუხი მივიღეთ, რომლითაც ისინი ეჭვქვეშ აყენებენ ექსპერტთა კვალიფიკაციას. აცხადებენ, რომ მათ აქვთ უფლება, შეამოწმონ ექსპერტის კვალიფიკაცია და აცხადებენ, რომ ზოგიერთ ექსპერტს ჩატარებული აქვს ექსპერტიზა დაწესებულებაში, ზოგს არა. მოგახსენებთ, რომ აღნიშნული მოთხოვნები სცდება საქართველოს კანონმდებლობით დადგენილ ფარგლებს. საქართველოს კანონის თანახმად, პაციენტს აქვს უფლება მოიწვიოს მკურნალი ექიმი და შეარჩიოს სამედიცინო დაწესებულება. ასევე აქვს უფლება, მოითხოვოს ექსპერტიზა, მათ შორის პენიტენციურ დაწესებულებაში განთავსებულ პაციენტს. შესაბამისად, მათი განცხადება სამართლებრივ ჩარჩოებს სცდება“, - განაცხადა ჯიშკარიანმა.

მისი შეფასებით, ეს არის პროფესიულ საქმიანობაზე ზეწოლა. „აღნიშნულ საკითხს პროფესიულ საქმიანობაზე ზეწოლად განვიხილავთ და ექსპერტიზისთვის შემაფერხებელ გარემოებად, რაც ნიშნავს იმას, რომ დროში წელავენ ექსპერტების დაშვებას სასჯელაღსრულების დაწესებულებაში. ეს ყველაფერი ასახული იქნება ჩვენს დასკვნაში. ექსპერტიზა მაინც ჩატარდება“, - განაცხადა ჯიშკარიანმა.

მან მიმართა სახალხო დამცველს, ასევე დიპლომატიურ კორპუსს, საკითხის შესწავლა დაიწყონ.

„მივმართავთ სახალხო დამცველს, დაიწყოს ინტერვენცია აღნიშნულ საკითხთან დაკავშირებით, ვინაიდან, ეს არის ექსპერტებზე ზეწოლა და უფლებრივი მდგომარეობის ჭრილში განიხილება უკვე. ასევე მივმართავთ დიპლომატიურ კორპუსს, საერთაშორისო ორგანიზაციებს. გარდა ამისა, ვასაჩივრებთ ამას და მივმართავთ იუსტიციის მინისტრს, რათა აღკვეთოს ის უკანონობა, რაც წერილშია წარმოდგენილი“,-განაცხადა ჯიშკარიანმა.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს