ბაჩუკი ქარდავა - მიხეილ სააკაშვილთან შეხვედრაზე გვექნება საუბარი იმ თემებზე, რაც ეხება ტაქტიკას და სტრატეგიას, როგორ შეიძლება დროულად დაძლიოს ქვეყანამ დიქტატურა

ქვეყნის მესამე პრეზიდენტი, რომელიც ასოცირდება სახელმწიფოებრიობასთან, ბიძინა ივანიშვილის პირად ტყვეობაში იმყოფება, - ამის შესახებ „ეროვნულ-დემოკრატიული პარტიის“ ლიდერმა, ბაჩუკი ქარდავამ რუსთავის ციხეში ექსპრეზიდენტ მიხეილ სააკაშვილის მონახულებამდე ჟურნალისტებს განუცხადა.

მისი განცხადებით, დღევანდელ შეხვედრაზე სამოქმედო გეგმასა და სტრატეგიაზე ისაუბრებენ, თუ როგორ უნდა ჩამოშორდეს „ქართული ოცნება“ ხელისუფლებას.

„ბუნებრივია, მოვედი იმისთვის, რომ მოვინახულო. გარდა ამისა, გვექნება საუბარი იმ თემებზე, რაც შეეხება ტაქტიკას, სტრატეგიას, თუ როგორ შეიძლება დროულად დაძლიოს ქვეყანამ დიქტატურა, რომელშიც შევიდა ფაქტობრივად და ეს „რეფერენდუმის“ შემდეგ საბოლოოდ გაფორმდა. ვისაუბრებთ იმაზე, როგორი შეიძლება იყოს ჩვენი ერთობლივი მოქმედებები, რომ დროზე დავასრულოთ უზურპატორი ივანიშვილის ხელისუფლება. მინდა გითხრათ,რომ არც ღარიბაშვილი და არც სხვა ვინმე ქვეყნისთვის საფრთხე არ არის, დღეს საფრთხე არის ბიძინა ივანიშვილი. არ იქნება ივანიშვილი და ამ ხელისუფლებისგან არაფერი დარჩება. ჩვენ ყველაფერი უნდა გავაკეთოთ იმისთვის, რომ ის ქართული პოლიტიკისგან იზოლირებული იყოს“, - განაცხადა ქარდავამ.

მისი განმარტებით, მსოფლიოში ორი პერსონა არის ყველაზე მეტად დაინტერესებული მიხეილ სააკაშვილის ციხეში ყოფნით - ეს არის ვლადიმერ პუტინი და ბიძინა ივანიშვილი.

„პუტინის ინტერესში არ შედის, რომ მიხეილ სააკაშვილი თავისუფალი იყოს, რადგან ის ქართულ სახელმწიფოებრიობასთან ასოცირდება. სწორედ პუტინი არის ქართული სახელმწიფოს მტერი. ამ შემთხვევაში, ბიძინა ივანიშვილი არის მეორე მტერი, რომელსაც მიხეილ სააკაშვილის ეშინია. მან შეასრულა ის დავალება, რისთვისაც რუსებმა ხელისუფლებაში მოიყვანეს“, - განაცხადა ქარდავამ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“