ის, რაც თქვეს ალაგ-ალაგ დეპუტატებმა, ამას სერიოზულ პასუხად არც აღვიქვამ, ვიცით, რომ ისინი ძალიან არიან შეზღუდულები იმ პოლიტიკური მორჩილებით, რაშიც არიან , - ამის შესახებ „დროას" ლიდერმა ელენე ხოშტარიამ ჟურნალისტებთან განაცხადა, რომელიც პარლამენტში შიმშილობს.
მისივე თქმით, ჯერჯერობით თავად თავს კარგად გრძნობს და ექიმთან კონსულტაციის საჭიროება ამ ეტაპზე არ არის, თუ ამის საჭიროება იქნება კონსულტაციას გაივლის, თუმცა, დამატებით ნივთიერებებს და ვიტამინებს არ მიიღებს.
"ვფიქრობ, ხელისუფლება რაზეც უნდა დაფიქრდეს არის ის, თუ რამდენად რისკიანია სააკაშვილის შიმშილობის ყოველი დღე. ექიმებისგან ადვოკატებისგან კიდევ ერთხელ მოვისმინეთ საგანგაშო ინფორმაცია და რისკი არის ყოველსაათობრივი, ამიტომ აუცილებელია, სწრაფად იქნას მიღებული გადაწყვეტილება. მე, როცა ამ გადაწყვეტილებას ვიღებდი, ვიცოდი, რომ შეიძლება დიდი ხანი გაგრძელდეს და მე მზად ვარ, ნებისმიერ ვადაზე, ბოლომდე ვართ მზად, მთავარია, რომ არ გვაქვს ამდენი დრო სააკაშვილთან მიმართებით და სწრაფად არის გადაწყვეტილება მისაღები", - განაცხადა ხოშტარიამ.