ტურიზმის ეროვნული ადმინისტრაციის ვებინარში მონაწილეებს გაეროს მსოფლიო ტურიზმის ორგანიზაციის აკადემიის სერტიფიკატი გადაეცემათ

საქართველოს ეკონომიკის სამინისტროს ტურიზმის ეროვნულმა ადმინისტრაციამ ევროპის რეკონსტრუქციის და განვითარების ბანკისა (EBRD) და გაეროს მსოფლიო ტურიზმის ორგანიზაციის (UNWTO) მხარდაჭერით ტრენინგებისა და ვებინარების ახალი პროექტი დაიწყო.

ტურიზმის ეროვნული ადმინისტრაციის ინფორმაციით, პროექტის მიზანია პანდემიურ პერიოდში ტურიზმის აღდგენის მიმართულებით ტექნიკური დახმარება და გამოცდილების გაზიარება. ვებინარებს საერთაშორისო ექსპერტები უძღვებიან.

„პირველი ვებინარის მთავარი თემა ინტერნეტ მარკეტინგი იყო. ონლაინ შეხვედრას ტურისტული კომპანიების, სასტუმროებისა და ტურიზმის სექტორის სხვა წარმომადგენლები დაესწრნენ. ვებინარის მონაწილეებს სიტყვით მიმართა ტურიზმის ეროვნული ადმინისტრაციის ხელმძღვანელის მოადგილემ თამარ ყორიაულმა.

შემდეგი ვებინარები კოვიდურ პერიოდში ახალი ტენდენციების მიმოხილვას, ტურების ორგანიზებას, ციფრული მენეჯმენტის უნარებს, ონლაინ ბიზნესსა და ონლაინ ვაჭრობას დაეთმობა“, - ნათქვამია გავრცელებულ ინფორმაციაში.

ვებინარის მონაწილეებს გაეროს მსოფლიო ტურიზმის ორგანიზაციის აკადემიის სერტიფიკატი გადაეცემათ.

„სასიხარულოა, რომ ჩვენმა ერთობლივმა ინიციატივამ დიდი ინტერესი და გამოხმაურება გამოიწვია კერძო სექტორში, რაც კიდევ ერთხელ ადასტურებს, რომ აღნიშნული პროექტი წარმოადგენს თანამშრომლობის წარმატებულ მაგალითს, რომელიც ორიენტირებულია ინდუსტრიის მხარდაჭერასა და შემდგომ გაძლიერებაზე“, - განაცხადა ტურიზმის ეროვნული ადმინისტრაციის ხელმძღვანელის მოადგილემ თამარ ყორიაულმა.

„ნამდვილად საინტერესო პროცესია და კერძო სექტორს გვეძლევა შანსი დავესწროთ ამ ვებინარებს, მოვუსმინოთ ძალიან საინტერესო ექსპერტებს, რომლებიც გამოცდილებას გვიზიარებენ, თუ როგორ უნდა გადაეწყოს ინდუსტრია პოსტკოვიდურ პერიოდში, როგორ მივიღოთ სტუმრები, როგორ ვუმასპინძლოთ და გავეცნოთ სხვა ქვეყნების გამოცდილებას“,-განაცხადა „კავკასუს თრეველის“ დირექტორმა მაია კიკნაძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს