პარტია “სტრატეგია აღმაშენებლის” წევრის, სერგო ჩიხლაძის შეფასებით, მიხეილ სააკაშვილის მიმართ პირად შურისძიებას აქვს ადგილი.
როგორც ამ კონტექსტში ჩიხლაძე განმარტავს, სხვა ახსნა არ აქვს იმას, თუ რატომ არ გადაჰყავთ მიხეილ სააკაშვილი სამოქალაქო კლინიკაში.
“დიდი ხანია ხელისუფლება სახალხო დამცველის რეკომენდაციებს არ ითვალისწინებს. ციხის საავადმყოფო პირობებს რომ არ აკმაყოფილებს, ამაზე ისიც მეტყველებს, რომ ბოლო წლების განმავლობაში სამოქალაქო სექტორის კლინიკაში როგორც კვლევებისთვის, ასევე მკურნალობისთვის ათასობით პატიმარი გადაიყვანეს. ციხის საავადმყოფო ვერ აკმაყოფილებს ყველა იმ მოთხოვნას, რაც სხვადასხვა კვლევებისთვის და მკურნალობისთვის არის საჭირო. აქედან გამომდინარე, ერთადერთი რაზეც შეიძლება ვიფიქროთ, ეს არის პირადი შურისძიება მიხეილ სააკაშვილის მიმართ”, - განაცხადა სერგო ჩიხლაძემ.