ტელეკომპანია "ტვ პირველის" დირექტორი ვატო წერეთელი, რომელსაც საკანონმდებლო ორგანოში შესვლასთან დაკავშირებით პრობლემა შეექმნა, მოგვიანებით შენობაში შეუშვეს.

ვატო წერეთელი დეპუტატ ელენე ხოშტარიას ხვდება.

ცნობისთვის, ცოტა ხნის წინ ელენე ხოშტარიამ განაცხადა, რომ ვატო წერეთელს არ უშვებდნენ და საკითხის გასარკვევად პარლამენტის შენობის შესასვლელთან ჩავიდა, თუმცა, საკანონმდებლო ორგანოში კვლავ მარტო დაბრუნდა. მისი თქმით, ვატო წერეთელს კანონით შენობაში შესვლის უფლება აქვს, თუმცა, მისი პრინციპული პოზიციაა, რომ "ჭიდაობა და ჩოჩქოლი პარლამენტში არ იყოს".

ცოტა ხნის წინ ასევე შენობაში შეუშვეს ჟურნალისტები ეკა მიშველაძე, ინგა გრიგოლია და ვახო სანაია.