სახელმწიფო ცერემონიების სასახლეში დიპლომატის დღისადმი მიძღვნილი ღონისძიება მიმდინარეობს
სახელმწიფო ცერემონიების სასახლეში დიპლომატის დღისადმი მიძღვნილი ღონისძიება იმართება.
ღონისძიებაზე მოწვეულ სტუმრებს საქართველოს პრეზიდენტი, საქართველოს პრემიერ-მინისტრი და საქართველოს პარლამენტის თავმჯდომარე მიმართავენ.
ღონისძიების ფარგლებში გაიმართება სულხან-საბა ორბელიანის სახელობის უწყებრივი ჯილდოს გადაცემის ცერემონია, ამასთან საქართველოს პრეზიდენტი უმაღლეს დიპლომატიურ რანგებს გადასცემს უწყების თანამშრომლებს.
ქართული დიპლომატიის დღე 3 ნოემბერს საქართველოში 2004 წლიდან, მაშინდელი საგარეო საქმეთა მინისტრის, საქართველოს პრეზიდენტის - სალომე ზურაბიშვილის ინიციატივით დაწესდა და ცნობილი ქართველი მწერლისა და საზოგადო მოღვაწის, სულხან-საბა ორბელიანის დაბადების დღეს უკავშირდება.
