რუსთავის მე-12 პენიტენციურ დაწესებულებასთან, სადაც ოპოზიციის აქცია უნდა გაიმართოს, მოქალაქეები, სამოქალაქო აქტივისტები და პოლიტიკოსები იკრიბებიან.

ადგილზე უკვე აწყობენ სცენასაც, საიდანაც სიტყვით გამომსვლელები შეკრებილებს მიმართავენ.

ამასთან, რუსთავის ციხესთან რკინის ჯებირები მიიტანეს და მიმდებარე ტერიტორიაზე განალაგეს.

ოპოზიციის აქცია 17:00 საათზეა დაგეგმილი. აქციის მონაწილეების მთავარი მოთხოვნა საქართველოს მესამე პრეზიდენტის მიხეილ სააკაშვილის მრავალპროფილურ კლინიკაში გადაყვანაა.