ნიკოლოზ სამხარაძე - აშშ-ის სახელმწიფო მდივნის მოადგილის თანაშემწესთან შეხვედრაზე საუბარი არ ყოფილა არც არჩევნებთან და არც მესამე პრეზიდენტის მდგომარეობასთან დაკავშირებით

პარლამენტის საგარეო ურთიერთობათა კომიტეტის თავმჯდომარის ნიკოლოზ სამხარაძის განცხადებით, აშშ-ის სახელმწიფო მდივნის მოადგილის თანაშემწესთან, ერიკა ოლსონთან შეხვედრისას საუბარი სასამართლო, დეცენტრალიზაციის, განათლების რეფორმებს შეეხო, თუმცა, საუბარი არ ყოფილა არც არჩევნებთან და არც მესამე პრეზიდენტის მდგომარეობასთან დაკავშირებით. ამის შესახებ მან ჟურნალისტებს განუცხადა.

„შეხვედრაზე ძირითადი საუბარი სამომავლო გეგმებს შეეხებოდა. ასევე, იმ რეფორმებს, რომელიც საქართველომ უნდა განახორციელოს და ამ რეფორმებში აშშ-ს მხარდაჭერას. მათ შორის ნახსენები იყო სასამართლო, დეცენტრალიზაციის, განათლების რეფორმები. რაც შეეხება საარჩევნო რეფორმას, მასზე საუბარი არ ყოფილა, იქიდან გამომდინარე, რომ ის შესრულებულია.

მეორე ძალიან მნიშვნელოვანი ასპექტი ჩვენი საუბრისა იყო უსაფრთხოების საკითხები. სამხრეთ კავკასიაში და შავი ზღვის რეგიონში არსებული უსაფრთხოების საკითხები. მათ მოისმინეს ჩვენგან იდეები თუ როგორ შეიძლება აშშ-ის ჩართულობა კიდევ უფრო მეტად გაიზარდოს ჩვენს რეგიონში და ასევე, საუბარი იყო საქართველოს ნატო-ში ინტეგრაციის დაჩქარებაზე. შევთანხმდით იმაზე, რომ მომავალშიც მჭიდროდ ვითანამშრომლებთ იმ იდეებთან დაკავშირებით, რომლებიც ჩვენ მას დღეს მივაწოდეთ. კიდევ ერთი - მესამე მიმართულება იყო უშუალოდ კონფლიქტების მიმართულება, მათ შორის როგორც აფხაზეთისა და ცხინვალის რეგიონის, ასევე, ყარაბაღის კონფლიქტის მოგვარება. რა თქმა უნდა, ჩვენ განვიხილეთ რუსეთიდან მომდინარე საფრთხეები. ამ შეხვედრაზე არ ყოფილა საუბარი არც არჩევნებთან დაკავშირებით და არც მესამე პრეზიდენტის მდგომარეობასთან დაკავშირებით.

შეხვედრაზე ვისაუბრეთ, იმაზე, რომ აშშ მზადაა გააგრძელოს საქართველოს სასამართლო რეფორმის მხარდაჭერა და ჩვენი მხრიდან იყო გაცხადებული მზაობა იმასთან დაკავშირებით, რომ საქართველოში სასამართლო რეფორმა გაგრძელდება იმ ანალიზის, ფაქტებსა და საჭიროებებზე დაფუძნებით, რა ანალიზსაც ჩვენ ჩავატარებთ მე-3 და მე-4 ტალღის შედეგად. საკმაოდ პოზიტიურ ტონში მიმდინარეობდა ეს საუბარი. ამ შეხვედრაზე კიდევ ერთხელ დავინახეთ რამდენად დიდია საქართველოს მნიშვნელობა აშშ-ისთვის“, -განაცხადა სამხარაძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს