ამირან გამყრელიძე - ეპიდსიტუაციის გაუარესებას ვერ შევაჩერებთ, თუ მოსახლეობის დიდი ნაწილი არ აიცრა

ეპიდსიტუაციის გაუარესებას ვერ შევაჩერებთ, თუ მოსახლეობის დიდი ნაწილი არ აიცრა, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ განაცხადა.

როგორც გამყრელიძემ აღნიშნა, 35%-ზეა ჩამოსული პირბადის ტარების მაჩვენებელი.

„სამწუხაროდ, ბოლო ორი კვირაა, ერთ დონეზეა, 4-5 ათასის ფარგლებში ყოველდღიურად ახალი შემთხვევების რაოდენობა. ასევე ინციდენტობის მაჩვენებელიც. სამწუხაროდ, ყველაზე მძიმე ინდიკატორი - სიკვდილიანობა მომატებულია, გვაქვს 15 ერთ მილიონ მოსახლეზე. ჩვენ ზღვრად ვითვლით 8-9-ს მილიონ მოსახლეზე. ეპიდსიტუაციის გაუარესებას ვერ შევაჩერებთ, თუ მოსახლეობის დიდი ნაწილი არ აიცრა და არ დავიცავით რეკომენდაციები. 35%-ზეა ჩამოსული პირბადის ტარების მაჩვენებელი. მიუხედავად ყოველდღიური, ყოველსაათობრივი მოწოდებისა, ხვეწნისა, მუდარისა მოსახლეობის მიმართ, ვატაროთ პირბადე, მაინც უგულებელყოფილია ეს და გვაქვს ის, რაც გვაქვს“, - განაცხადა გამყრელიძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს