,,ქართული ოცნების” მიმართ მოთხოვნები ბევრი გვაქვს, მაგრამ ყველაზე მთავარი და რომელიც არ ითმენს, არის მიხეილ სააკაშვილთან დაკავშირებული ჯანმრთელობის პრობლემების გადაწყვეტა , - ამის შესახებ ,,სტრატეგია აღმაშენებლის” ერთ-ერთმა ლიდერმა სერგო ჩიხლაძემ თავისუფლების მოედანზე განაცხადა.
მისივე განცხადებით, დღეს საკითხი ადამიანის სიკვდილ - სიცოცხლეზე დგას და არ შეერთება, ან გვერდზე გადგომა მორალურად არასწორი იქნებოდა.
,,ოპოზიციური პარტიების უმრავლესობა და სტრატეგია აღმაშენებელიც სრულად უერთდება აქციას. ,,ქართული ოცნების” მიმართ მოთხოვნები ბევრი გვაქვს, მაგრამ ყველაზე მთავარი და რომელიც არ ითმენს არის მიხეილ სააკაშვილთან დაკავშირებული ჯანმრთელობის პრობლემების გადაწყვეტა, მისი გადაყვანა სამოქალაქო კლინიკაში. დღეს საკითხი დგას ადამიანის სიკვდილ - სიცოცხლეზე და არ შეერთება, ან გვერდზე გადგომა მორალურად არასწორი იქნებოდა”, - აღნიშნა სერგო ჩიხლაძემ.
მან ასევე უპასუხა ჟურნალისტების შეკითხვას ,,ქართულ ოცნებასთან” დიალოგის წარმოებასთან დაკავშირებით.
სერგო ჩიხლაძის აზრით, მსგავსი დიალოგი სიტუაციის განმუხტვისთვის აუცილებელია და ხელისუფლებას ყველაზე მეტი გონიერება მართებს, თუმცა ამის იმედი არ აქვს.
,,კარგი იქნებოდა თუ შედგება ასეთი დიალოგი, ოღონდ არა დიალოგი დიალოგისთვის და კონკრეტული გადაწყვეტილებები რომ იყოს მიღებული, ეს აუცილებელია სიტუაციის განმუხტვისთვის, ვინაიდან, ყოველდღიურად სულ უფრო მწვავდება სიტუაცია. ხელისუფლებას მართებს ყველაზე მეტი გონიერება, თუმცა ამის იმედი არ მაქვს”, - აღნიშნა სერგო ჩიხლაძემ.