ანა ბუჩუკური - მიხეილ სააკაშვილის ჯანმრთელობის მდგომარეობაზე პასუხისმგებლობა ხელისუფლებას აკისრია

მიხეილ სააკაშვილის ჯანმთელობის მდგომარეობაზე პასუხისმგებლობა ხელისუფლებას აკისრია, - ამის შესახებ პარტია „საქართველოსთვის“ წევრმა, ანა ბუჩუკურმა „პალიტრანიუსის“ გადაცემაში „დღის ნიუსრუმი“ განაცხადა.

მისი განმარტებით, ხელისუფლებამ ყველაფერი უნდა გააკეთოს იმისთვის, რომ მიხეილ სააკაშვილის სიცოცხლე და ჯანმრთელობა დაიცვას.

„ხელისუფლებამ ყველაფერი უნდა გააკეთოს იმისთვის, რომ მისი, როგორც პატიმრის სიცოცხლისა და ჯანმრთელობის მდგომარეობა დაცული იყოს. ჩვენი მოწოდება არის და იქნება ის, რომ მაქსიმალური გაკეთდეს, რათა პატიმარ სააკაშვილის ჯანმრთელობა დაცული იყოს“,-განაცახდა ბუჩუკურმა.

მისი თქმით, მიხეილ სააკაშვილის შესახებ პენიტენციური სამსახურის მიერ გავრცელებული კადრები საკმაოდ რთული სანახავი იყო.

„უხერხულია, როდესაც პოლიტიკური ისტებლიშმენტი და „ელიტა“ გადასულია იმის ახსნაზე, ადამიანმა რამდენი ლუკმა ფაფა ჭამა ან წვენი მიირთვა. ეს ფაქტობრივად ტრაგიკომედიაა. „ქართულმა ოცნებამ“ მოახერხა ის, რომ საკუთარი ძალაუფლების შენარჩუნებას სახელმწიფო ინსტიტუტები შესწირა“, - განაცხადა ბუჩუკურმა.

მისი შეფასებით, „ქართული ოცნების“ პასუხისმგებლობა და წვლილია იმაში, რომ თვეების წინ დისკრედიტირებული „ნაციონალური მოძრაობა“ დღეს ასეა გაძლიერებული. ბუჩუკური მიიჩნევს, რომ შექმნილი ვითარებიდან გამოსავალი არის თანმიმდევრულობაში.

„ოპოზიციის ნაწილის არათანმიმდევრულობა ისევ და ისევ ხელისუფლების წისქვილზე ასხამს წყალს. აუცილებელია, პოლიტიკურმა პარტიებმა სრულად გამოიყენონ ის მანდატი, კონსტიტუციური შესაძლებლობები, რომელიც ქართველი ხალხის დამსახურებით მიენიჭათ“, - განაცხადა ბუჩუკურმა.

ამასთან, მან არ გამორიცხა, რომ პარტია „საქართველოსთვის“ კიდევ რამდენიმე ადამიანმა დატოვოს.

„ვუშვებთ იმას, რომ შეიძლება რამდენიმე ადამიანმა ჩვენი რიგები დატოვოს, მაგრამ გავიმეორებ ჩვენი თანაგუნდელების პოზიციას-რაც მალე დაგვტოვებენ ასეთი ადამიანები, ჩვენს გუნდს მხოლოდ გაძლიერებაში დაეხმარება“, - განაცხადა ბუჩუკურმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა