რუსთავის მე-12 პენიტენციური დაწესებულების ტერიტორია სახანძრო და წყლის ჭავლის მანქანებმა დატოვეს.
შეგახსენებთ, რომ საქართველოს მესამე პრეზიდენტი მიხეილ სააკაშვილი რუსთავის ციხეში აღარ იმყოფება.
პენიტენციური სამსახურის განცხადებით, მიხეილ სააკაშვილი გლდანის #18 სამკურნალო დაწესებულებაშია გადაყვანილი.
"ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე პატიმარი მიხეილ სააკაშვილი გადაყვანილია მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში.
დამატებით ინფორმაციას საზოგადოებას ეტაპობრივად მივაწვდით", -ნათქვამია განცხადებაში.