სხვადასხვა ლოკაციებზე იქნება ხალხის დამაგრება - დილიდან იქნება კანონის ფარგლებში პიკეტირებები, - ამის შესახებ ოპოზიციონერმა პოლიტიკოსმა გიგი უგულავამ მედიასთან განაცხადა. გიგი უგულავას თქმით, მიხეილ სააკაშვილი გადაიყვანეს ე.წ. გლდანის ციხეში, რომ კრიმინალების „შუმოკი“ მოეწყოთ, ეს უკვე შემდგარი ფაქტია.
„სხვადასხვა ლოკაციებზე იქნება ხალხის დამაგრება და დილიდან იქნება კანონის ფარგლებში პიკეტირებები. უნდა გვესმოდეს, რომ საათებს აქვს მნიშვნელობა. რასაც ველოდით, ის გააკეთა ივანიშვილის რეჟიმმა. გადაიყვანეს გლდანის ციხეში, იმიტომ, რომ იქ კრიმინალების „შუმოკი“ მოეწყოთ, ეს უკვე შემდგარი ფაქტია. მთელი 2 კვირაა რასაც ვამბობდით გლდანთან დაკავშირებით, ეს ყველაფერი აღსრულდა. სიმართლე არის ის, რომ ეს ადამიანები სპეციალურად არიან დაგეშილები და გლდანის ციხეში მიყვანილი სააკაშვილი, ავადმყოფი „შლეგი“ ივანიშვილის ტვინის „ნაჟურია“, რომელსაც ჰგონია, რომ სიმბოლოებია, მაგ სიმბოლოებით ამოხდება მათ პოლიტიკურად სული. დიდი დრო არ დარჩენიათ. თუ ჰგონია, რომ აბასთუმანში ბუჩქებში დაიმალება, ძალიან ცდება“, - განაცხადა უგულავამ.