ადვოკატი - მიხეილ სააკაშვილის მოტაცება შეგვიძლია წამებად და არაადამიანურ მოპყრობად დავაკვალიფიციროთ - ხელისუფლებამ ცირკი მოაწყო

სააკაშვილის მოტაცება შეგვიძლია წამებად და არაადამიანურ მოპყრობად დავაკვალიფიციროთ - ხელისუფლებამ ცირკი მოაწყო, - ამის შესახებ საქართველოს მესამე პრეზიდენტის მიხეილ სააკაშვილის ადვოკატმა დიმიტრი საძაგლიშვილმა ჟურნალისტებს გლდანის მე-18 პენიტენციურ დაწესებულებასთან განუცხადა, სადაც სააკაშვილის მოსანახულებლად მივიდა.

როგორც საძაგლიშვილმა აღნიშნა, „ხელისუფლების მიზანი იყო, რომ სააკაშვილი ფსიქოლოგიური წნეხის ქვეშ ყოფილიყო“.

„სააკაშვილის მოტაცება შეგვიძლია წამებად და არაადამიანურ მოპყრობად დავაკვალიფიციროთ. ხელისუფლების მიზანიც ეს იყო, როდესაც აანონსებდა, რომ გლდანის დაწესებულებაში უნდა მომხდარიყო მისი ჰოსპიტალიზაცია. ეს დაწესებულება ვერ უზრუნველყოფს მას სათანადო სამედიცინო სერვისებით, ამაზე კონსილიუმმა განსაზღვრა კრიტერიუმები, შემდეგ სახალხო დამცველმა არაერთხელ დაადასტურა, რომ ეს დაწესებულება კრიტერიუმებს არ შეესაბამებოდა. მიხეილ სააკაშვილთან მიმართებით არის ძალიან მაღალი რისკი როგორც ფსიქოლოგიური, ასევე ფიზიკური. ხელისუფლების ნაბიჯები მიუთითებს, რომ მისი მიზანი ის კი არაა, რომ სააკაშვილის სიცოცხლე იყოს დაცული, არამედ ხელისუფლება ყველაფერს აკეთებს, რომ სააკაშვილმა დაამძიმოს ისედაც მძიმე ფორმა შიმშილობის, გაამკაცროს ეს ფორმა, რასაც ყველამ ვიცით, რა შეიძლება მოჰყვეს“,- განაცხადა საძაგლიშვილმა.

როგორც ადვოკატმა აღნიშნა, სააკაშვილის უფლებადამცველებს არ ჰქონდათ ინფორმაცია, რომ რუსთავის მე-12 პენიტენციური დაწესებულებიდან სააკაშვილის გადაყვანა ხდებოდა.

„პენიტენციურმა სამსახურმა დღეს არ მოგვაწოდა არანაირი ინფორმაცია, მას შემდეგ რაც მედიაში გავრცელდა ინფორმაცია, რომ სააკაშვილის გადაყვანა ხდებოდა რუსთავის მე-12 დაწესებულებიდან, ჩვენ დავუკავშირდით პენიტენციური სამსახურის სამედიცინო დეპარტამენტის უფროსს, თამთა დემურიშვილს, რომელმაც უარყო ინფორმაცია და თქვა, რომ არ ჰქონდა არანაირი ინფორმაცია. გვითხრა, რომ მის გარეშე გადაყვანა ვერ მოხდებოდა და თუ ასეთი რამ დაიგეგმებოდა, აუცილებლად შეგვატყობინებდნენ. თუმცა ვნახეთ, რომ ოპერაცია ჩაატარეს უღირსი, არაჰუმანურობით განმსჭვალული, რასაც ბოლო პერიოდში ხელისუფლება ასხივებდა. სააკაშვილის დაკავების შემდეგ ხელისუფლება ასხივებდა ორ რამეს - სიბოროტეს და შიშს.

მოვედით იმისთვის, რომ სააკაშვილთან შეხვედრა მოვითხოვეთ. წარმოდგენა არ გვაქვს, მოგვცემს თუ არა პენიტენციური სამსახური ამის შესაძლებლობას. იმდენად არაადეკვატურები არიან, შეუძლებელია პროგნოზი გავაკეთოთ, შეგვიშვებენ, თუ არა“,- განაცხადა დიმიტრი საძაგლიშვილმა.

ცნობისთვის, საქართველოს მესამე პრეზიდენტი მიხეილ სააკაშვილი რუსთავის მე-12 პენიტენციური დაწესებულებიდან გლდანის სასჯელაღსრულების დაწესებულების სამედიცინო ცენტრში დღეს გადაიყვანეს.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია