კონკრეტულ პროვოკაციებს გეგმავენ. გახადეს ფორმები და რამდენიმე დადიოდა, ფოტოები გადაიღეს, ვინ უნდა დაიჭირონ. კონკრეტულ მითითებებს აძლევენ პოლიციელებს, - ამის შესახებ „ერთიანი ნაციონალური მოძრაობის“ ერთ-ერთმა ლიდერმა, ლევან ხაბეიშვილმა მთავრობის ადმინისტრაციასთან მიმდინარე აქციაზე განაცხადა.

ლევან ხაბეიშვილმა აქციის მონაწილეებს სიმშვიდისკენ მოუწოდა. როგორც მან აღნიშნა, იგეგმება აქტივისტების დაკავება.

„ჩემი თხოვნაა აქციის მონაწილეებისადმი, მშვიდად, წყნარად და დაახლოებით ერთი მეტრი დისტანცია დაიკავეთ პოლიციელებთან, რომ რაიმე პროვოკაციას არ ჰქონდეს ადგილი. ჟურნალისტებს, მედიას, ყველას გაფრთხილებთ წინასწარ, მათ აქვთ დასურათებული აქციის მონაწილეები და აპირებენ პროვოკაციულად მათ აყვანას - ეს არის პრევენციული განცხადება, რადგან ყველამ შენიშნა, ტელეფონებით როგორ უღებენ აქტივისტებს ფოტოებს და აძლევენ მითითებებს, ვინ უნდა დააკავონ“, - განაცხადა ხაბეიშვილმა.