მთავრობის ადმინისტრაციის შენობასთან ამ დროისთვის სიმშვიდეა. ადგილზე რჩებიან ოპოზიციის მხარდამჭერები და ოპოზიციის ლიდერები.
მთავრობის ადმინისტრაციის შენობასთან საპოლიციო ძალები არიან მობილიზებული. მათ ტერიტორიაზე კორდონი აქვთ გაკეთებული.
შეგახსენებთ, ოპოზიციის მხარდამჭერებმა მთავრობის ადმინისტრაციის შენობასთან თავისუფლების მოედნიდან გადაინაცვლეს. ადგილზე ვითარება რამდენჯერმე დაიძაბა. აქციის მონაწილეები, მათ შორის "ნაციონალური მოძრაობის" ერთ-ერთი ლიდერი ლევან ხაბეიშვილი ტერიტორიაზე წარწერის გაკეთებას ცდილობდა, რასაც პოლიციის მხრიდან წინააღმდეგობა მოჰყვა.
ოპოზიცია 9 ნოემბრის დილის 10:00 საათიდან სხვადასხვა ლოკაციაზე პროტესტს აანონსებს, მათ შორის აქცია იგეგმება იუსტიციის სამინისტროსთან.