ნიკა მელია - სამარცხვინო მოცემულობა დასრულდება, ბევრ პოლიციელს უკვე ვეღარ გაარჩევ კრიმინალისგან - ვინმეს ჰგონია, რომ გავჩერდებით, ვიდრე სააკაშვილი უსაფრთხო ადგილზე არ იქნება გადაყვანილი?!

„ნაციონალური მოძრაობის“ თავმჯდომარის ნიკა მელიას განცხადებით, ვიდრე მიზანი მიღწეული არ იქნება, მუდმივი საპროტესტო აქციები ყოველდღიურ რეჟიმში გაგრძელდება. როგორც მან საპროტესტო აქციაზე განმარტა, გუშინ მოტყუებით მოიტაცეს საქართველოს ყოფილი პრეზიდენტი მიხეილ სააკაშვილი.

„სამარცხვინო მოცემულობა დასრულდება. ბევრ პოლიციელს უკვე ვეღარ გაარჩევ კრიმინალისგან. ცხადად ჩანან პოლიციის ფორმებში გამოწყობილი ადამიანები როგორ იქცევიან უკვე კრიმინალებად. აღარც მალავენ, აღარც ეთაკილებათ. არც აქვთ პრეტენზია, რომ ისინი სამართალდამცვეელბი არიან. გუშინ ვთქვი და ასე იქნება მომდევნო დღეების განმავლობაში მანამ, სანამ მთავარი მიზანი მიღწეული არ იქნება, საპროტესტო მოძრაობა ყოველდღე იქნება ურყევი, ორგანიზებული, დისციპლინირებული და თანმიმდევრული. სხვადასხვა ფორმისა და შინაარსის, ყოველდღე, დილიდან ღამემდე მანამ, სანამ ეს რეჟიმი არ დაცემა. სანამ ეს რეჟიმი არ აღიარებს, რომ მიტაცებული აქვთ სახელმწიფო.

გუშინ მოტყუებით მოიტაცეს პატიმარი. არცერთი პატიმრის მიმართ არ ჰქონდათ ამ ყველაფრის გაკეთების უფლება, მაგრამ იკადრეს ქვეყნის მესამე პრეზიდენტის მიმართ“,- განაცხადა მელიამ.

მისი შეფასებით, მიხეილ სააკაშვილი მოათავსეს იმ ციხეში, სადაც უმძიმესი დამნაშავეები არიან.

„ვინმეს ჰგონია ან აქვს ილუზია, რომ ჩვენ გავჩერდებით ვიდრე მიხეილ სააკაშვილი უსაფრთხო ადგილზე არ იქნება გადაყვანილი?! არ გავჩერდებით! ვერცერთი პოლიციელი ამ ნებას ვერ შეჩერებს. მათ სურდათ პროვოკაციებში ჩავეთრიეთ, ცეცხლს გაეთამაშნენ გუშინ. გუშინ ხელისუფლება ცდილობდა სამოქალაქო დაპირისპირებაში და სიძულვილში გადავესროლეთ, საიდანაც შეიძლება მრავალი წელი ვერ გამოვსულიყავით“, - განაცხადა მელიამ.

მან აღნიშნა, ოპოზიციის ინტერესი არ არის პოლიციასთან შეტაკება და არეულობა.

„ჩვენი ინტერესი არის მიხეილ სააკაშვილისა და ელენე ხოშტარიას ჯანმრთელობაზე ზრუნვა და მიტაცებული სახელმწიფოს უკან დაბრუნება“, -განაცხადა მელიამ.

იხილეთ ვიდეო

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ