საქართველოს პარლამენტის თავმჯდომარე კახა კუჭავა გელა ჩარკვიანის გარდაცვალების გამო მწუხარებას გამოთქვამს.

კახაკუჭავა, გელა ჩარკვიანის ოჯახსა და ახლობლებს უსამძიმრებს.

“საქართველოს პარლამენტის სახელით, ღრმა მწუხარებას გამოვთქვამ ქართველი დიპლომატის, პედაგოგის, მწერლის და პუბლიცისტის, გელა ჩარკვიანის გარდაცვალების გამო.

იგი თანამედროვე საქართველოს ისტორიაში ერთ-ერთი გამორჩეული ფიგურაა და მისი გარდაცვალება უდიდესი დანაკლისია ჩვენი ქვეყნისთვის. ვუსამძიმრებ მის ოჯახს, ახლობლებს და მეგობრებს“, - აცხადებს კუჭავა.