ნინო ლომჯარიაც აჩვენებს იმას, რატომ არ შეიძლება არც ერთი თანამდებობის მიცემა „ნაცმოძრაობისთვის“ იმიტომ, რომ ამ ყველაფერს სიცრუისთვის იყენებენ, - ამის შესახებ „ქართული ოცნების“ თავმჯდომარე, ირაკლი კობახიძემ პარტიის ოფისში გამართულ ბრიფინგზე განაცხადა.
მისი თქმით, ნინო ლომჯარიას და „ნაციონალური მოძრაობის“ წევრებს იმიტომ სურთ მიხეილ სააკაშვილის სხვა დაწესებულებაში გადაყვანა, რომ სამოქალაქო საავადმყოფოსთან ბევრად უფრო მარტივია მათი რადიკალური გეგმების აღსრულება.
„სახალხო დამცველს და "ნაციონალური მოძრაობის“ დანარჩენ წარმომადგენლებს ერთი და იგივე დღის წესრიგი აქვთ. მათ ერთადერთი მიზეზით უნდათ სააკაშვილის რამენაირად სამოქალაქო საავადმყოფოში გადაყვანა ყოველგვარი საფუძვლის გარეშე. ამას არანაირი რეალური საფუძველი არ აქვს. რაც შეეხება სახალხო დამცველის და სხვა „ნაციონალების“ განზრახვას, მიზეზი არის ის, რომ სამოქალაქო საავადმყოფოსთან ბევრად უფრო მარტივია იმ რადიკალური გეგმების აღსრულება, რომელიც გუშინაც ვიხილეთ. ჩვენ ვსაუბრობდით მათ რევანშისტულ განზრახვებზე, რასაც აღსრულება არ უწერია. ნინო ლომჯარიაც აჩვენებს იმას, რატომ არ შეიძლება არც ერთი თანამდებობის მიცემა „ნაცმოძრაობისთვის“ იმიტომ, რომ ამ ყველაფერს სიცრუისთვის იყენებენ“,-განაცხადა კობახიძემ.