რელიგიური გაერთიანებების წარმომადგენლებთან თემაზე - „ოჯახში ძალადობა და ბავშვის ასაკში ქორწინება“ - საინფორმაციო შეხვედრა გაიმართა

სასტუმრო „რუმსში“ რელიგიური გაერთიანებების წარმომადგენლებთან თემაზე „ოჯახში ძალადობა და ბავშვის ასაკში ქორწინება“ - საინფორმაციო შეხვედრა გაიმართა. აღნიშნულის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

როგორც მათ ინფორმაციაშია აღნიშნული, შეხვედრაზე, რომელიც ორგანიზებულია პროგრამის „ევროკავშირი გენდერული თანასწორობისათვის: ერთად გენდერული სტერეოტიპებისა და გენდერული ნიშნით ძალადობის დასაძლევად“ ფარგლებში, იმსჯელეს სახელმწიფოს როლსა და ძალისხმევაზე ოჯახში ძალადობის, ბავშვის ასაკში ქორწინებისა და ქალისა და გოგონას მიმართ სხვა საზიანო პრაქტიკების აღმოფხვრის საქმეში და რელიგიური გაერთიანებების უმნიშვნელოვანეს როლზე ამ პროცესში (პროგრამის მხარდამჭერია ევროკავშირი და იგი ხორციელდება გაეროს ქალთა ორგანიზაციისა (UN WOMEN) და გაეროს მოსახლეობის ფონდის (UNFPA) მიერ).

„დღევანდელი ღონისძიების მონაწილეები იყვნენ: ფსიქოლოგიის დოქტორი, პროფესორი თეა გოგოტიშვილი, გაეროს მოსახლეობის (UNFPA) ფონდის საქართველოს ოფისის ხელმძღვანელი ლელა ბაქრაძე, საქართველოში ევროკავშირის წარმომადგენლობის პოლიტიკის, პრესისა და ინფორმაციის განყოფილების ხელმძღვანელის მოადგილე ევია კოტანი, კავშირი „21-ე საუკუნე“ გამგეობის თავჯდომარე პაატა გაჩეჩილაძე, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს სამართლებრივი უზრუნველყოფის დეპარტამენტის უფროსი ირმა ალადაშვილი, საქართველოს მთავრობის ადმინისტრაცია, ადამიანის უფლებათა სამდივნოს (სამსახურის) უფროსი მაკა ფერაძე შეეხნენ ისეთ პრობლემურ თემებს, როგორიცაა სახელმწიფო პოლიტიკა ოჯახში ძალადობისა და ადრეული ქორწინების მიმართულებით, ადრეული ქორწინების სიტუაციის მიმოხილვა და სახელმწიფოს პასუხი, ქალთა უფლებების დაცვა და სხვა. საინფორმაციო შეხვედრის მონაწილეებს გააცნეს სტატისტიკა, საკანონმდებლო ცვლილებები და სახელწიფოს მიდგომები ამ თვალსაზრისით.

რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ ყურადღება გაამახვილა რელიგიური ორგანიზაციების როლზე ქალთა მიმართ და ოჯახური ძალადობის წინააღმდეგ ბრძოლის პროცესში. მისი თქმით, რელიგიურ ორგანიზაციათა წარმომადგენლებს მჭიდრო კონტაქტი აქვთ მრევლთან, საზოგადოებასთან, რაც მათ გადამწყვეტ როლს ანიჭებს ქალთა და ოჯახური ძალადობის წინააღმდეგ ბრძოლის კამპანიაში და ეს პოტენციალი სრულად უნდა იქნას გამოყენებული. მან კიდევ ერთხელ გაუსვა ხაზი 2015 წლის 8 მარტს, „ტოლერანტობის სკვერში“, რელიგიური ორგანიზაციების ლიდერების მიერ ხელმოწერილ დეკლარაციას „ქალი - მშვიდობის დესპანი“, სადაც გამოხატულია საქართველოში არსებული რელიგიური ორგანიზაციების პოზიცია ქალთა უფლებების დაცვისა და ოჯახური ძალადობის მიმართ.

რელიგიური გაერთიანებების წარმომადგენლებმა აღნიშნეს, რომ ისინი სრულად იზიარებენ სახელმწიფოს პოლიტიკას ქალთა უფლებების დაცვის თვალსაზრისით და მზად არიან, მაქსიმალურად შეუწყონ ხელი ამ მხრივ განხორციელებულ აქტივობებს.

როგორც შეხვედრის მონაწილეებმა განაცხადეს, მიუხედავად სახელმწიფოს მიერ გატარებული ღონისძიებებისა, ქალთა და ბავშვთა უფლებები, ოჯახური ძალადობა მაინც გამოწვევად რჩება და მათი გადაჭრისათვის საზოგადოების ყველა წევრის მხარდაჭერაა საჭირო.

პროგრამა აღმოსავლეთ ევროპისა და სამხრეთ კავკასიის რეგიონის ექვს ქვეყანაში მიმდინარეობს და მის სამიზნე რეგიონებად საქართველოში შერჩეულია იმერეთი და გურია. რელიგიურ ლიდერებთან კომუნიკაციის ფარგლებში, უკვე შედგა შეხვედრები საქართველოს მართლმადიდებელი, რომის კათოლიკე ეკლესიის, ებრაული და მუსლიმი თემის წარმომადგენლებთნ“, - ნათქვამია ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება