ნევროლოგის, ოთარ თოიძის განცხადებით, როგორც ადვოკატებმა უთხრეს, მიხეილ სააკაშვილს აღენიშნება ხელების ტრემორი. ამის შესახებ თოიძემ ჟურნალისტებს გლდანის ციხესთან განუცხადა. მისი თქმით, აღნიშნული გართულება მოსალოდნელი იყო.
"ექიმები ვფიქრობთ, რომ ეს გართულება არის გამოწვეული კალიუმის ნაკლებობით, რომელიც, შესაძლოა, სასიკვდილით დასრულდეს.
ჩვენ მოვითხოვთ მისი სამოქალაქო კლინიკაში გადაყვანას და უცხოეთის რომელიმე წამყვან კლინიკაში გადაყვანის შესახებ საკითხის დაყენებას. მე ვარ წარმომადგენელი იმ ექსპერტთა ჯგუფის, რომელიც პარალელურად მუშაობს. დღეს საღამოს მზად გვექნება ადამიანის უფლებათა სტრასბურგის სასამართლოსთვის ექიმთა მიმართვა და შედეგები, ალბათ, დღეს იქნება გაგზავნილი", - განაცხადა თოიძემ.