რუსთაველის გამზირზე, პარლამენტის შენობასთან "ნაციონალური მოძრაობის" მიერ ორგანიზებული საპროტესტო აქცია "თავისუფლება მიშას" დასრულდა.
დღევანდელ აქციაზე "ნაციონალური მოძრაობის" თავმჯდომარემ ნიკა მელიამ სამოქმედო გეგმა გამოაცხადა.
მისი თქმით, 10 ნოემბერს, დილის 11:00 საათზე თბილისში, საპროტესტო აქციები ერთდროულად რამდენიმე ლოკაციაზე გაიმართება.
ოპოზიციონერი ლიდერის თქმით, ყოველ დილით მხარდამჭერებს გააცნობენ კონკრეტულ გეგმას, თუ სად გაიმართება საპროტესტო აქციები, თუმცა, ერთი ლოკაცია ყოველთვის იქნება ისეთი, რომელიც წინასწარ არ იქნება გაჟღერებული.