ჯანდაცვის სამინისტროსთან, "ნაციონალური მოძრაობის" მიერ ორგანიზებულ აქციაზე მყოფი დეპუტატები ჯანდაცვის მინისტრ ეკატერინე ტიკარაძესთან შეხვედრას ითხოვენ. როგორც პარტიის ერთ-ერთმა ლიდერმა ხატია დეკანოიძემ აღნიშნა, მათ სურთ, რომ მინისტრთან შეხვედრაზე მიხეილ სააკაშვილის ჯანმრთელობის მდგომარეობასა და მის სამოქალაქო კლინიკაში გადაყვანაზე იმსჯელონ.

„სტატეგია აღმაშენებლის“ წევრი სერგო ჩიხლაძე ჯანდაცვის მინისტრს მოუწოდებს, რომ დეპუტატებს შეხვდეს. მისივე თქმით, შეხვედრა მშვიდ ვითარებაში წარიმართება.

ცნობისთვის, ჯანდაცვის სამინისტროსთან “ნაციონალური მოძრაობის" მიერ ორგანიზებული აქცია მიმდინარეობს. აქციის მონაწილეები მოითხოვენ, საქართველოს მესამე პრეზიდენტი, მსჯავრდებული მიხეილ სააკაშვილი სამოქალაქო კლინიკაში გადაიყვანონ. მათივე თქმით, აქციები უწყვეტ რეჟიმში, სხვადასხვა ლოკაციაზე გაგრძელდება.