ილია დარჩიაშვილი - „გლობალური კორუფციის ინდექსი 2021“-ის შესაბამისად, საქართველომ 9 ადგილით გააუმჯობესა საკუთარი პოზიცია, რაც მნიშვნელოვანი და ხელშესახები შედეგია

შვეიცარიული საერთაშორისო ანალიტიკური კომპანიის მიერ „გლობალური კორუფციის ინდექსი 2021“-ის შესაბამისად, საქართველომ 9 ადგილით გააუმჯობესა საკუთარი პოზიცია, რაც მნიშვნელოვანი და ხელშესახები შედეგია საქართველოსთვის, - ამის შესახებ საქართველოს მთავრობის ადმინისტრაციის უფროსმა ილია დარჩიაშვილმა „გლობალური კორუფციის ინდექსი 2021“-ის შეფასებისას განაცხადა.

მთავრობის ადმინისტრაციის ინფორმაციით, საქართველო მე-9 ადგილით დაწინაურდა და მსოფლიოს საუკეთესო მეოთხედში 41-ე ადგილზეა.

ილია დარჩიაშვილის თქმით, მსოფლიო საინვესტიციო რუკაზე საქართველოს ცნობადობისა და ქვეყნისადმი მიზიდულობის გაზრდის თვალსაზრისით, საერთაშორისო კვლევები და რეიტინგები მნიშვნელოვან როლს ასრულებს ქვეყნის განვითარებაში.

„აღნიშნული კვლევის მიხედვით, საქართველო გამოირჩევა კვლევაში მონაწილე ნატოს და ევროკავშირის ზოგიერთი წევრი ქვეყნის მიერ მიღწეულ შედეგებთან მიმართებაში, რაც ძალიან მნიშვნელოვანი იმპულსია, რათა ქვეყანაში გაგრძელდეს რეფორმების ახალი ფაზა ანტიკორუფციული თვალსაზრისით, რაც თავის მხრივ ხელს შეუწყობს საქართველოს ევროპული და ევროატლანტიკური ინტეგრაციის გზაზე“, - აღნიშნა მთავრობის ადმინისტრაციის უფროსმა.

„მსოფლიოს მოწინავე ანალიტიკურმა ცენტრმა, შვეიცარიულმა ორგანიზაცია Global Risk Profile (GRP) „გლობალური კორუფციის ინდექსი 2021“ (GCI) გამოაქვეყნა. რეიტინგში საქართველო 9 ადგილით დაწინაურდა,მსოფლიოს 196 ქვეყანასა და ტერიტორიას შორის საუკეთესო 25%-ში მოხვდა, მსოფლიოში 41-ე ადგილზე დასახელდა, მსოფლიო ბანკის წევრ ქვეყნებს შორის 40 საუკეთესოში კი 38-ე პოზიციაზე გავიდა.

კორუფციისაგან თავისუფლებით საქართველომ გაუსწრო ევროკავშირის და ნატოს წევრ 9 სახელმწიფოს.

ინდექსი ეფუძნება მიზნობრივად შერჩეულ მონაცემთა 43 ნაკრებს, რომელსაც ექსკლუზიურად აწარმოებს 11 საერთაშორისოდ აღიარებული სუბიექტი:

  1. The UN
  2. The OECD
  3. The World Justice Project Organisation
  4. The FATF
  5. The Economist Intelligence Unit (EIU)
  6. The World Bank
  7. The Basel Institute on Governance
  8. Transparency International
  9. The International Budget Partnership (IBP)
  10. The Global Initiative
  11. The World Economic Forum (WEF)++

GCI-ის გამოსათვლელად განიხილება 6 ინდიკატორი, რომელთაგან 4 ორიენტირებულია კორუფციაზე და 2 - ფინანსურ დანაშაულზე:

  1. ძირითადიკონვენციებისრატიფიკაციისსტატუსი (OECD, გაერო)
  2. საჯაროკორუფციისაღქმისდონე (Transparency International’s Corruption Index, World

Bank, World Justice Project )

  1. საჯარო და კერძო კორუფციის შესახებ გამოკითხვები (Transparency International’s Global Corruption Barometer, World Bank’s Enterprise Survey)
  2. ქვეყნის მახასიათებლები, რომელიც მჭიდრო და რის დაკავშირებული კორუფციასთან
  3. ფინანსური დანაშაულის შეფასების სტანდარტები
  4. ფულის გათეთრება და ტერორიზმის დაფინანსება

თავის მხრივ ინდიკატორები დაყოფილია მონაცემთა 4 ჯგუფად: მოქალაქის ხმა და გამჭვირვალობა; მთავრობის ფუნქციონირება და ეფექტურობა; სასამართლო კონტექსტი; პოლიტიკური კონტექსტი“,- ნათქვამია გავრცელებულ ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს