იუსტიციის სამინისტროსთან „ნაციონალური მოძრაობის“ წევრებისა და მათი მხარდამჭერების აქცია დასრულდა.

ტერიტორია უკვე დატოვეს „ნაციონალური მოძრაობის“ ლიდერებმა და მხარდამჭერებმა.

აქციის მონაწილეების მოთხოვნა მიხეილ სააკაშვილის სამოქალაქო კლინიკაში გადაყვანა და მისი გათავისუფლება იყო.

ტერიტორიაზე ამ დროისთვის სიმშვიდეა, თუმცა ცოტა ხნის წინ დაპირისპირება მოხდა “ნაციონალური მოძრაობის” წევრ ლევან ხაბეიშვილსა და შინაგან საქმეთა სამინისტროს წარმომადგენელ თემურ კუპატაძეს შორის. დაპირისპირება მოჰყვა ხაბეიშვილის განცხადებას, რომ კუპატაძემ მცხეთაში რამდენიმე მილიონად შეფასებული მიწის ნაკვეთი შეიძინა. ამ განცხადების შემდეგ კუპატაძემ ხაბეიშვილს მოსთხოვა მტკიცებულებები და არგუმენტები მისი ნათქვამის დამადასტურებლად. სიტუაცია სამართალდამცველებმა განმუხტეს.

სამინისტროს შენობასთან კვლავ მობილიზებულები არიან პოლიციის თანამშრომლები.