სალომე სამადაშვილი - Amnesty International-ის განცხადება არის პასუხი ხელისუფლების ქმედებებზე - თუ ვინმეს ეჭვი ეპარებოდა, „ქართულმა ოცნებამ" თავად დაარწმუნა, რომ სააკაშვილის წინააღმდეგ ახორციელებს პოლიტიკურ ანგარიშსწორებას

Amnesty International-ის განცხადება არის პასუხი ხელისუფლების ქმედებებზე - თუკი ვინმეს ეჭვი ეპარებოდა, „ქართულმა ოცნებამ" თავად დაარწმუნა, რომ სააკაშვილის წინააღმდეგ ახორციელებს პოლიტიკურ ანგარიშსწორებას, - ამის შესახებ ჟურნალისტებთან ფრაქცია „ლელო - პარტნიორობა საქართველოსთვის“ წევრმა სალომე სამადაშვილმა განაცხადა, რომელმაც პარლამენტში მოშიმშილე ელენე ხოშტარია მოინახულა.

მისი თქმით, სწორედ იმაზე საუბრობს Amnesty International, რასთან დაკავშირებითაც ელენე ხოშტარია ახლა პარლამენტში შიმშილობს.

„ელენეს მოთხოვნა არის მიხეილ სააკაშვილისთვის ადეკვატური სამედიცინო დახმარების აღმოჩენა და ეს არის ის მოთხოვნა, რაც მკაფიოდ გააჟღერა აშშ- ის სახელმწიფო დეპარტამენტმა, Amnesty International - მა, ამიტომ შეიძლება ითქვას, რომ რა მოთხოვნითაც ელენე ხოშტარია შიმშილობს, არის ძალიან ლეგიტიმური მოთხოვნა და ეს დადასტურებულია საერთაშორისო განცხადებებით. ამიტომ, „ქართულ ოცნებას“ დიდი დისკომფორტი აქვს, რადგან კარგად ხედავენ, რომ შიმშილობის ეს პროცესი პარლამეტში არის დაკავშირებული იმ გადაწყვეტილებებთან, რასაც იღებენ.

მათ მარტივად შეუძლიათ დაასრულონ ეს პრობლემა, თუ მიიღებენ გადაწყვეტილებას, რომელიც უნდა მიიღონ, საერთაშორისო სამართლის, ჩვენი კანონმდებლობის, ჩვენი პარტნიორების რეკომენდაციების შესაბამისად, ამიტომ ერიდებიან ბოლო დროს ელენესთან ურთიერთობას,"- განაცხადა სამადაშვილმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს