„საქართველოს მედიატორთა ასოციაციის“ თავმჯდომარემ უზბეკეთის იურიდიული პროფესიის წარმომადგენლებთან შეხვედრა გამართა

„საქართველოს მედიატორთა ასოციაციის“ თავმჯდომარემ ირაკლი ყანდაშვილმა, უზბეკეთის რესპუბლიკის იუსტიციის სამინისტროს მოწვევით შეხვედრა გამართა უზბეკეთის იურიდიული პროფესიის წარმომადგენლებთან თემაზე - მედიაციის პრაქტიკის გამოცდილების ანალიზი მეზობელ ქვეყნებში: საქართველოს მაგალითი. ამის შესახებ ინფორმაციას „საქართველოს მედიატორთა ასოციაცია ავრცელებს.

მათივე ინფორმაციით, შეხვედრაზე უზბეკეთის რესპუბლიკის იურიდიული პროფესიის წარმომადგენლებს ირაკლი ყანდაშვილმა გააცნო მედიაციის, როგორც დავის გადაწყვეტის ალტერნატიული მექანიზმის დანერგვისა და გამოყენების საქართველოში არსებული გამოცდილება.

შეხვედრაზე ასევე გაზიარებულ იქნა „საქართველოს მედიატორთა ასოციაციის“ საქმიანობის და იმ წარმატებების შესახებ, რაც ასოციაციამ კანონის მიღებიდან დღემდე განვლო განვითარების გზაზე.

„აღსანიშნავია ის ფაქტი, რომ მსოფლიოს სხვადასხვა ქვეყნების პრაქტიკამ აშკარად ცხადყო არსებული დავების მედიაციის გზით გადაწყეტის ეფექტურობა და სწორედ ამიტომ ასოციაცია მზად არის განაგრძოს აქტიური საერთაშორისო ურთიერთთანამშრომლობა, რაც ხელს შეუწყობს მედიაციის განვითარებას რეგიონში“, - განაცხადა „საქართველოს მედიატორთა ასოციაციის“ თავმჯდომარემ ირაკლი ყანდაშვილმა.