საქართველოს პრემიერ-მინისტრი ირაკლი ღარიბაშვილი სამეგრელო-ზემო სვანეთის რეგიონის მუნიციპალიტეტების მერებს შეხვდა, რომელსაც სამეგრელო-ზემო სვანეთის მხარეში სახელმწიფო რწმუნებული გიორგი გუგუჩია ესწრებოდა.
პრემიერმა მერებთან შეხვედრაზე რეგიონის მოსახლეობის პრიორიტეტები მიმოიხილა და მათი პრობლემების უმოკლეს ვადაში გადაჭრის აუცილებლობაზე ისაუბრა.
ირაკლი ღარიბაშვილის თქმით, ხელისუფლების მთავარი პრიორიტეტი მოსახლეობაზე ზრუნვაა და მნიშვნელოვანია, რომ მოქალაქეების ყველა პრობლემა უმოკლეს ვადაში და ეფექტიანად გადაიჭრას.
ღარიბაშვილმა მერებს ცენტრალური მთავრობის მაქსიმალური მხარდაჭერა დაუდასტურა, რათა ყველა ინიციატივა, რომელიც წინასაარჩევნო კამპანიისას გაჟღერდა, მოკლე ვადაში განხორციელდეს.
პრემიერ-მინისტრთან შეხვედრაზე ასევე მიწვეული იყო წალენჯიხის მუნიციპალიტეტის მერი გია ხარჩილავა.