გიორგი ვაშაძე „ნაციონალური მოძრაობის“ განცხადებაზე - დაარღვევენ, მე მივალ და დავშლი, ვეტყვი: წაეთრიეთ აქედან - თუ კაცი კვდება და საჭირო გახდა, მზად ვარ, მეც ვიკისრო პასუხისმგებლობა

დაარღვევენ, მე მივალ და დავშლი, ვეტყვი აქციაზე მონაწილეებს, წაეთრიეთ აქედან - მეთქი, - ასე უპასუხა „სტრატეგია აღმაშენებლის“ ლიდერმა, გიორგი ვაშაძემ „ნაციონალური მოძრაობის“ განცხადებასთან დაკავშირებით დასმულ კითხვას, რომლის თანახმადაც პარტია სრულ პასუხისმგებლობას იღებს, რომ საპროტესტო აქციები არ გაიმართება იმ საავადმყოფოს გარეთ ან მის მიმდებარედ, სადაც საქართველოს მესამე პრეზიდენტი მიხეილ სააკაშვილი იქნება გადაყვანილი

გიორგი ვაშაძის თქმით, ამ კონკრეტულ საკითხზე, იგი მზად არის მისი წილი პასუხისმგებლობა აიღოს.

„დაარღვევენ, მე მივალ და დავშლი, ვეტყვი აქციაზე მონაწილეებს, რომ წაეთრიეთ აქედან-მეთქი. თუ კაცი კვდება და საჭირო გახდა, ყველამ უნდა ავიღოთ ჩვენი წილი პასუხისმგებლობა და მზად ვარ, არ გამიჭირდება, მეც ვიკისრო ეს პასუხისმგებლობა. ხომ არ უნდა დავკარგოთ ყველაფერი?! ბედნიერებას არ მოუტანს ამ ქვეყანას მიხეილ სააკაშვილის გარდაცვალება, უბედურებას მოუტანს - ეს უნდა გავიაზროთ. ცეცხლთან თამაშია ეს, ბეწვის ხიდზე გავდივართ“, - განაცხადა გიორგი ვაშაძემ.

მისივე შეფასებით, „ქართულმა ოცნებამ“ გლდანის #18 პენიტენციურ დაწესებულებაში ყოფილი პრეზიდენტის, მიხეილ სააკაშვილის გადაყვანით, ვითარების დაძაბვას შეუწყო ხელი.

„გქონდა ოპოზიციის ბევრ წარმომადგენელთან საუბარი და მათთვის საინტერესოა ყველა ჩვენი წინადადება. მთავარი სიმპტომი ამ შემთხვევაში უნდა იყოს ხელისუფლების მხრიდან, რომ რამეზე მზად არიან. ჩვენი 7 - პუნქტიანი გეგმის გამოქვეყნების დღესვე მათ, ფაქტობრივად, პირდაპირ სიტუაციის ესკალაცია მოახდინეს გლდანის ციხეში სააკაშვილის გადაყვანით. ჩვენ შეიძლება განსხვავებული შეხედულება გვქონდეს, მაგრამ პირველ რიგში, ადამიანობა არ უნდა დავკარგოთ და არ უნდა დაგვავიწყდეს, რომ ასევე, საქართველოს ინტერესები დგას აქ. მესამე პრეზიდენტის სიკვდილი ამ ქვეყანას არაფერში წაადგება, ეს იქნება ლაქა ჩვენი ისტორიისთვის და არაფერი იქნება ამ ქვეყანაში. მაქსიმუმი უნდა გავაკეთოთ, რომ ავირიდოთ ეს და არა ის, რომ გავამწვავოთ სიტუაცია“, - აღნიშნა ვაშაძემ.

შეგახსენებთ, საქართველოს მესამე პრეზიდენტი მიხეილ სააკაშვილი 1-ელ ოქტომბერს დააპატიმრეს. ის სასჯელს რუსთავის მე-12 პენიტენციურ დაწესებულებაში იხდიდა. 8 ნოემბერს კი ექსპრეზიდენტი გლდანის ციხის სამკურნალო დაწესებულებაში გადაიყვანეს. მიხეილ სააკაშვილი 41-ე დღეა შიმშილობს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება