ყოველწლიური კონფერენცია - "ქართველოლოგიის დღე" გაიმართა

საქართველოს საგარეო საქმეთა სამინისტროს ინფორმაციით, 10 ნოემბერს, უესტმინსტერის უნივერსიტეტის ორგანიზებითა და საქართველოს საელჩოს მხარდაჭერით, ვირტუალურ ფორმატში ყოველწლიური კონფერენცია "ქართველოლოგიის დღე" გაიმართა.

უწყების ცნობითვე, წელს, რიგით 34-ე კონფერენცია საქართველოს დამოუკიდებლობის აღდგენის 30 წლისთავს მიეძღვნა.

კონფერენცია საქართველოს პრეზიდენტმა, სალომე ზურაბიშვილმა გახსნა, რომელმაც საქართველოსა და ბრიტანეთს შორის წარმატებული ურთიერთობების შესახებ ისაუბრა.

„ღონისძიებაზე მთავარი მომხსენებლები იყვნენ საქართველოს საგარეო საქმეთა მინისტრის მოადგილე ალექსანდრე ხვთისიაშვილი, საქართველოს ელჩი ბრიტანეთში სოფიო ქაცარავა და ბრიტანეთის ელჩი საქართველოში მარკ კლეიტონი.

სიტყვით გამოსვლისას, საგარეო საქმეთა მინისტრის მოადგილემ, ალექსანდრე ხვთისიაშვილმა მიმოიხილა საქართველო-ბრიტანეთის ორმხრივი თანამშრომლობის საკითხები, ისევე როგორც დამოუკიდებლობის წლებში ეკონომიკის განვითარების კუთხით არსებული გამოწვევები და მიღწევები.

მინისტრის მოადგილემ კონფერენციის მონაწილეებს გააცნო საქართველოში ეკონომიკის ლიბერალიზაციისა და ეკონომიკური ზრდის ხელშეწყობის მიზნით მთავრობის მიერ გატარებული რეფორმები და მიღწეული პოზიტიური შედეგები. ასევე, წარდგენილ იქნა ინფორმაცია წამყვან საერთაშორისო რეიტინგებში საქართველოს მოწინავე პოზიციებისა და ეკონომიკის სექტორებში საინვესტიციო პოტენციალის შესახებ.

ალექსანდრე ხვთისიაშვილმა ხაზი გაუსვა საქართველოს ევროპულ და ევროატლანტიკურ მისწრაფებებს და აღნიშნა, რომ ქვეყნისთვის პრიორიტეტულია ბრიტანეთთან სავაჭრო-ეკონომიკური ურთიერთობების შემდგომი განვითარება.

სიტყვით გამოსვლისას, მინისტრის მოადგილემ აღნიშნა, რომ ქართული მხარე განსაკუთრებულ მნიშვნელობას ანიჭებს რეგიონის სატრანსპორტო და ენერგეტიკული პოტენციალის შემდგომ განვითარებას და აქტიურად მონაწილეობს ამ მიმართულებით განხორციელებულ მნიშვნელოვან პროექტებში.

აღსანიშნავია, რომ "ქართველოლოგიის დღე" 1987 წელს, დოქტორ თამარა დრაგაძის ინიციატივით დაარსდა. ღონისძიება საქართველოს საელჩოს მხარდაჭერით და უესტმინსტერის პროფესორების ორგანიზებით ყოველწლიურად ტარდება და ბრიტანულ-ქართული თანამშრომლობის ფართო სპექტრს მოიცავს“, - აღნიშნულია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება