კახა კოჟორიძე - „ქართულ ოცნებას“ ჰგონია, რომ პოლიტიკურ ოპონენტს ურტყამს, მაგრამ მისი მოქნეული ხელი სახელმწიფო ინტერესებს და დასავლურ კურსს ხვდება

ძალიან ვწუხვარ იმის გამო, რა სახესაც ჩვენი სახელმწიფო აჩვენებს. ელემენტარულ უფლებებს, რაც კონსტიტუციით გარანტირებულია ადამიანისთვის, ვერ იცავს - კატასტროფა იყო, როდესაც ვერ უზრუნველყვეს მიხეილ სააკაშვილის სასამართლოში მიყვანა, - ამის შესახებ „ლელოს“ წევრმა, ადვოკატმა კახა კოჟორიძემ „პალიტრანიუსის“ ეთერში, გადაცემა „ნიუსრუმში“ განაცხადა, სადაც ის ფაქტი შეაფასა, რომ 7 ნოემბრის საქმეზე გუშინ გამართულ სასამართლო პროცესს ბრალდებული მიხეილ სააკაშვილი არ ესწრებოდა.

როგორც კოჟორიძე განმარტავს, „ქართულ ოცნებას“ ჰგონია, რომ პოლიტიკურ ოპონენტზე იმარჯვებს, ურტყამს მას, მაგრამ ყველა მოქნეული ხელი სახელმწიფო ინტერესებს ხვდება“.

“მე ძალიან ვწუხვარ იმის გამო, რა სახესაც ჩვენი სახელმწიფო აჩვენებს. იმ ელემენტარულ უფლებებს, რაც კონსტიტუციით გარანტირებულია ადამიანისთვის, ვერ იცავს. გუშინ კატასტროფა იყო, როდესაც ვერ უზრუნველყვეს სასამართლოში მიყვანა.

ეს არის საქმე, როდესაც „ქართულ ოცნებას“ ჰგონია, რომ იმარჯვებს პოლიტიკურ ოპონენტზე, ურტყამს მას, მაგრამ ყველა მოქნეული ხელი ხვდება ჩვენს სახელმწიფო ინტერესებს და დასავლურ კურსს, რასაც ამ ქვეყანაში თაობები და ეპოქები ეწირებოდნენ.

მე, როგორც რიგითი მოქალაქე ამ კურსის მხარდამჭერი ვარ. როგორც კრამონმა თქვა, ძალიან მძიმე სიტყვები, მაწუხებს, რომ საქართველო ევროკავშირისგან ასე შორს არასდროს ყოფილა. კუბილიუსმა თქვა, რომ საქართველოს არ უნდა ევროკავშირის წევრობა. ისეთი მოქმედებებია, დაასკვნეს, რომ არ უნდა. ამის პარალელურად ჩვენი ხელისუფლების და პრემიერის მხრიდან, რომ 2024 წელს ევროკავშირში წევრობაზე განაცხადს გავაკეთებთ, ვის სჯერა?!“, - აღნიშნა კოჟორიძემ.

ამასთან, კოჟორიძემ სააკაშვილიც მე-18 დაწესებულებაში გადაყვანაზეც ისაუბრა და ხელისუფლების გადაწყვეტილება „არაადეკვატურად“ შეაფასა.

„ჩემი შეფასებით, ეს არ არის ადეკვატური მოქცევა, როდესაც ადამიანი იმ მდგომარეობაშია, რომ ციხის სხვა პატიმრები მასზე მუდმივად ახდენენ ფსიქოლოგიურ ზეწოლას ლანძღვა-გინების ფონზე. ვრცელდება ინფორმაცია, ფიზიკურ ანგარიშსწორებაზე. ამ ინფორმაციას დადასტურება დასჭირდება სასამართლოს მხრიდან, თუმცა იმ ყველაფრის ფონზე, რასაც ვუყურებ, არ გამიკვირდება რომელიმე თანამშრომელს მისთვის ფიზიკური შეურაცხყოფა მიეყენებინა“, - აღნიშნავს კოჟორიძე.

როგორც კოჟორიძე განმარტავს, თუ დადასტურდება, რომ მიხეილ სააკაშვილთან მიმართებაში ადგილი ჰქონდა ფიზიკურ ანგარიშსწორებას და მძიმე დამამცირებელ მოპყრობებს, ეს ევროპული კონვენციის დარღვევაზე მიუთითებს.

„თუ ფიზიკურ ანგარიშსწორებაზე იქნება საუბარი, ამას რომ დაემატება ის მძიმე დამამცირებელი მოპყრობები, რაზეც ადვოკატები საუბრობენ, მთლიანობაში ეს პირდაპირ მიუთითებს ევროპული კონვენციის დარღვევაზე“, - აღნიშნავს კოჟორიძე.

შეგახსენებთ, რომ მიხეილ სააკაშვილის ადვოკატის ნიკა გვარამიას განცხადებით, სტრასბურგიდან მიღებული გადაწყვეტილებით, სააკაშვილის საქმე აყვანილია პრიორიტეტზე და მოთხოვნა დროებითი ღონისძიების მიღების შესახებ დაკმაყოფილდა. გვარამიას თქმით, სასამართლომ დაავალა საქართველოს ხელისუფლებას, რომ აცნობოს მიხეილ სააკაშვილის ჯანმრთელობის შესახებ ამჟამინდელი მდგომარეობა და დეტალურად მიაწოდოს ინფორმაცია ყველა იმ სამედიცინო პროცედურის შესახებ, რომელიც მასთან დაკავშირებით გლდანის #18 დაწესებულებაში გატარდა. ადვოკატის განცხადებით, სტრასბურგის სასამართლომ ასევე მათ დაავალა ყოველდღიურად განახლებული ინფორმაცია მიაწოდონ სტრასბურგის სასამართლოს მიხეილ სააკაშვილის მდგომარეობასთან დაკავშირებით. აღნიშნული ინფორმაციები შეჯერდება და 24 ნოემბერს სასამართლო კვლავ იმსჯელებს საკითხზე. ამასთან, იუსტიციის მინისტრის რატი ბრეგაძის განცხადებით, სტრასბურგის სასამართლომ არ დააკმაყოფილა სააკაშვილის საჩივარი კერძო კლინიკაში გადაყვანასთან დაკავშირებით და მოსთხოვა შიმშილობის შეწყვეტა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა