კარლ ჰარცელი - მიხეილ სააკაშვილთან დაკავშირებით სრულად უნდა იყოს დაცული როგორც ადგილობრივი კანონმდებლობა, ასევე ადამიანის უფლებათა ევროპული კონვენცია

რა თქმა უნდა, ევროკავშირი დიდი ყურადღებით აკვირდება მიხეილ სააკაშვილის გარშემო განვითარებულ მოვლენებს,­ - ამის შესახებ საქართველოში ევროკავშირის ელჩმა კარლ ჰარცელმა განაცხადა.

მისი თქმით, მიხეილ სააკაშვილის ჯანმრთელობის მდგომარეობა არის უაღრესად მნიშვნელოვანი და ის, რომ სამედიცინო კონსილიუმის მიერ გაცემული რეკომენდაციები სრულად შესრულდეს.

„დიდ ყურადღებას ვიჩენთ საქართველოში ზოგიერთი ინსტიტუტის მიმართ, მინდა დავიწყო სამედიცინო კონსილიუმით, რომელიც პრემიერ-მინისტრის ინიციატივით შეიქმნა. ვფიქრობ, ის მნიშვნელოვან როლს ასრულებს, ვინაიდან, როგორც ამბობენ, არც დიპლომატები და არც პოლიტიკოსები ექიმები არ არიან, რომ სამედიცინო რჩევები გასცენ. მე იმედი მაქვს, რომ სამედიცინო კონსილიუმის მუშაობა გაგრძელდება. უნდა აღვნიშნოთ იმ განსაკუთრებულ როლზე, რასაც ამ საქმის ზედამხედველობის კუთხით კონსტიტუციის შესაბამისად სახალხო დამცველი ასრულებს და გასცემს რჩევებსა და შეფასებებს, რასაც ჩვენ ძალიან ვაფასებთ. ასევე მინდა ვახსენო სახელმწიფო ინსპექტორის ოფისი, რომელიც კარგ რეკომენდაციებსა და რჩევებს გასცემს პატიმრების უფლებებთან დაკავშირებით, რომელიც ასევე დასაფასებელია.

ამ ყველაფრის ფონზე, წუხელ უკვე გავაკეთე კომენტარი. მიგვაჩნია, რომ სააკაშვილის ჯანმრთელობის მდგომარეობა არის უაღრესად მნიშვნელოვანი და ის, რომ სამედიცინო კონსილიუმის მიერ გაცემული რეკომენდაციები სრულად შესრულდეს,“- განაცხადა ელჩმა.

მისი თქმით, მიხეილ სააკაშვილთან დაკავშირებით სრულად უნდა იყოს დაცული როგორც ადგილობრივი კანონმდებლობა, ასევე ადამიანის უფლებათა ევროპული კონვენცია.

„ყურადღებით ვაკვირდებით სამართლებრივ პროცესს. ჩვენთვის ცნობილი გახდა, რომ ბატონ სააკაშვილს გუშინ სასამართლოში ყოფნის უფლება არ მიეცა. მინდა, ყველას შევახსენო, რასაც ადამიანის უფლებათა ევროპული სასამართლო ითვალისწინებს განსასჯელთან დაკავშირებით, რომ ის პირადად უნდა იყოს წარმოდგენილი, ან წარმოდგენილი იყოს იმ წარმომადგენლით, რომელსაც თავად ითხოვს. ეს არის მნიშვნელოვანი პრინციპები, რომელიც უნდა შესრულდეს. მნიშვნელოვანია, რომ სამართლებრივი პროცესი იყოს გამჭირვალე, მიუკერძოებელი და სამართლიანი.

ამასთან, პატიმრის უფლებებთან დაკავშირებით, ჩვენ ვაკვირდებით ბატონი სააკაშვილის, როგორც პატიმრის უფლებების დაცვას. ვაკვირდებით იმას, თუ რას აცხადებს სახალხო დამცველი, თავად მიხეილ სააკაშვილი ციხიდან გლდანის ციხის სამკურნალო დაწესებულებაში გადაყვანის შესახებ, ჩვენ ასევე ვიხილეთ გარკვეული კადრები მისი საკნიდან. ყველაფერი ეს აჩენს კითხვებს და ამ საქმეში ძალიან მნიშვნელოვანია, რომ სრულად იყოს დაცული როგორც ადგილობრივი კანონმდებლობა, ასევე ადამიანის უფლებათა ევროპული კონვენცია,“- განაცხადა ელჩმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა